根據台灣《中央社》18號引述中媒《澎湃新聞》報導指，日前有消息人士匿名透露，全球資產管理龍頭公司「黑石集團」，目前正在打包拋售中國境內嘅物流資產，為分布在11個城市嘅11個物流園區，總價超過人民幣100億元，目前已有意向買家。

中媒《澎湃新聞》於16號發布呢一則報導，而根據《澎湃新聞》報導，該報曾經在14號向「黑石集團」（Blackstone Group）查證此事，但截至報導發稿為止，黑石集團都未有回覆。

根據《澎湃新聞》獲得嘅資料顯示，黑石集團計劃打包出售嘅中國物流資產分別為：龍地南京濱江冷鏈物流園、龍地常熟經開物流園、太倉龍地和泰物流園、樂創德清物流園、龍地廣州空港物流園、龍地佛山南海物流園、武漢樂盛物流園、龍地長沙空港物流園、成都龍地東百新津物流園、龍地西安空港物流園、龍地青島港物流園等11處園區。

報導指，呢11個物流園區嘅總建築面積約達到220萬平方米，目前平均出租率大約80%。其中，占地面積最細嘅係「南京濱江冷鏈物流園」，雖然僅有60畝（4公頃），但目前出租率達100%。而11個物流園區中，規模最大者係前身為「廣州市國際機場富力綜合物流園」嘅「龍地廣州空港物流園」。

公開資料顯示，「龍地廣州空港物流園」在2021年被黑石集團完全收購前，係「富力地產」旗下唯一嘅物流園，位於廣州市花都區華東縣，占地1470畝，計劃總建築面積超過120萬平方米。「龍地廣州空港物流園」在2020年11月以及2021年12月，由「黑石集團」分兩次收購廣州這座物流園區70%以及30%嘅股權，總價約達82.63億元。目前已竣工部分的出租率超過75%。

「黑石集團」今次嘅決定，是否受日前「雙11購物節」中國整體銷售停滯或下滑，可能連帶影響到物流業整體發展所影響，暫時未知。但知情人士透露，黑石集團此舉係為了「投資回報率更好嘅項目」，而出售部分「收益不特別理想嘅項目」。因此，呢11個物流園區逾100億元嘅價格，已算係「折扣價」，且目前已經有「有意收購嘅交易對象」。

而分析人士指出，正常來講，投資者對部分「小型標的」可能會採取「快進快出」嘅投資策略。但「龍地廣州空港物流園」呢類比較「大型標的」嘅交易，黑石集團完成收購嘅時間都未滿兩年，就急著對外出售。正常嘅長期投資，唔會在收購咁短嘅時間就出售。

報導另指出，今次「黑石集團」出售物流倉儲資產，並非該集團首次做出「打包出售」嘅案例。在今年6月28號，黑石都曾經將旗下占地近1400萬平方英尺（約130萬平方米）嘅工業地產，賣俾物流基礎設施運營商「安博」（Prologis），以成交價31億美元成功脫售。