根據台灣《中央社》16號報導，中國國家主席習近平在「拜習會」之後，出席咗「友好團體」聯合歡迎宴會，習近平於會中宣布，為擴大中美兩國人民「特別係青少年一代」嘅交流，中方在未來5年願意邀請5萬個美國青少年，赴中國交流、學習。

《新華社》報導指，習近平話，中美關係「希望在人民，基礎在民間，未來在青年，活力在地方」，中美關係嘅故仔「係由人民書寫嘅」。佢歡迎更多美國州長、議員去中國訪問，亦歡迎美國各界人士到中國去。

習近平回憶指，佢第一次訪問美國時，住在愛荷華州嘅德沃夏克（Thomas and Eleanor Dvorchak）夫婦家中，佢仲記得門牌號碼係邦尼街2911號。佢回憶指，嗰次係佢首次與美國民眾面對面接觸，嗰段共同生活嘅經歷令佢好難忘。習近平指：佢哋就代表美國。

習近平話，中美關係嘅未來「是由人民創造嘅」。越係困難，越要拉緊人民嘅紐帶、增進人心嘅溝通，需要更多人企出來為中美關係「鼓」同埋「呼」。要為人民之間嘅交往搭建更多橋梁、鋪設更多道路，而唔係設置各種障礙、製造寒蟬效應。

習近平宣稱，中國從不賭美國輸，從不干涉美國內政，也無意挑戰和取代美國，樂見一個自信開放、發展繁榮的美國。同樣，「美國都唔好賭中國輸，唔好干涉中國內政，應該歡迎一個和平、穩定、繁榮嘅中國」。

根據《新華社》報導，習近平在致詞最後宣布，為擴大中美兩國人民特別是青少年一代交流，中方在未來5年願意邀請5萬個美國青少年，赴中國交流、學習。而在西方國家陸續封禁「孔子學院」等中共海外宣傳單位之後。

習近平今次意外嘅宣布，此番針對美國少年赴中國交流學習嘅言論，味道就好似香港安排中學學生，強制赴中國交流同軍訓一樣。交流嘅對象有可能包括在美華裔青年，亦有可能係美國西方面孔嘅青年。

在過去中共草創年代，都曾經有篤信「共產體制」嘅美國人，赴中國並加入中國共產黨，一時成為中共對外宣傳嘅「樣板」，成為最早嘅「洋五毛」。而最出名嘅就係第一個加入中共嘅美國人 李敦白（Sidney Rittenberg）。李敦白在1945年，24歲就隨著美軍派往中國，在二戰之後又繼續留低在中國，並加入中共陣營，參加共產主義革命。

究竟係咩原因另李敦白轉向「共產」？佢回憶指，有一次佢見到一個酒駕嘅美軍下士，撞死咗一架黃包車夫嘅仔，而國民黨政府竟然只俾咗車夫14蚊美元作為賠償，佢好憤怒！又因為當時嘅共產黨一塵不染，生活簡樸、扶助窮人，所以佢堅定支持並認同共產黨。

李敦白在1946年進入共軍老巢延安，識咗毛澤東以及共產黨嘅核心領導。但佢曾二次入獄，一次在1949年，被蘇共指為「國際間諜網絡」成員，遭中共逮捕關押六年。1955年斯大林死後，李敦白獲釋出獄，佢選擇留在中國。1956年又娶咗一位中國姑娘 王玉琳，兩人育有三女一仔。第二次係江青下令，李敦白被視為國外專家造反派而入獄，前後遭中共關押16年。

李敦白在1977年江青入獄後被釋放，更在1982得到中國平反，但佢係1979年返去美國度假一次之後，隔年就舉家搬返美國，徹底離開中國。李敦白由好奇開始，對共產體制充滿想像，到被懷疑、關押、釋放。佢回憶共產黨嘅惡行，滿是悲傷、愁苦、憤怒、恥辱。

李敦白留低在中國34年，曾擔任宣傳機構《新華社》嘅語言專家，同時在中央廣播事業局擔任外籍專家，為中共英文稿件潤色，並參加咗《毛澤東選集》嘅翻譯。李敦白於2019年98歲高齡逝世，佢曾於自傳中表示，我見證咗罪惡，與罪惡並存。部分情況下我仲曾經參與其中，讓今天嘅我感到恥辱、羞愧。