根據台灣《中央社》15號報導，中國福建省廈門市下半年以來多次發布房地產鬆綁政策，但房價仍連跌跌不休，至今已經係連7個月下跌。而廈門市官方15號再次發布新政策，除咗解除全市限購措施，在當地有二孩以上嘅多仔女家庭，購置第2套住房，將可視同首購並一樣享有優惠。

根據中媒《界面新聞》報導，「廈門市住房保障和房屋管理局」嘅微信公眾號，於15號對外發布消息指，廈門市「關於進一步優化房地產市場相關政策嘅通知」以及「關於進一步優化房地產市場相關政策嘅通知『政策解讀』」。呢兩份文件提到，在廈門市轄區範圍之內，多仔女家庭購買第2套住房認定為首購，購買嘅第3套住房先係認定為第2套。

此外，將同步解除廈門全市限購措施。在位於廈門島內嘅「思明區、湖里區」購買商品住房，不再審核購房人資格，但相關限售措施保持不變。早前廈門已經取消咗島外區域嘅限購資格。綜合多間財經媒體報導，過去曾經房價飆漲嘅廈門，由今年5月至11月，整體平均房價已經連7跌。

微博上署名「鄧浩志」嘅房地產博主稱，全國樓市已近全面熄火。而過去交易量係二線城市佼佼者嘅廈門，都難逃下跌命運，在9月嘅新房環比成交量都呈現腰斬嘅局面。而曾經嘅炒房示範區深圳亦都一樣，幾乎係一潭死水。在全國樓市接近全線熄火嘅當前狀況之下，能維持「睇得入眼」嘅成交量嘅城市，估計就唔超過5個。

根據《每日經濟新聞》10月下旬曾報導，自今年第3季以來，廈門多次領先全國發布房地產鬆綁政策。包括：降低第2套房貸頭期款比例、島外取消限購限售，已實行近7年嘅「土地拍賣限價」取消，在房市持續疲軟之下，廈門市諗盡辦法刺激市場交易以及刺激淺在嘅市民需求。

《新快報》晚間報導，「易居研究院」研究總監 嚴躍進指出，部分重點城市雖然在放鬆緊限購，但對於「中心城區」或「核心區」其實都還是保留限購政策，而廈門今次「其實係打響咗第一炮」，在廈門島市區內都放鬆咗限購。

廣東省「城規院」住房政策研究中心首席研究員 李宇嘉指出，廈門「島內、島外」嘅房價以及供應量「差距非常大」，商品房嘅品質同居住環境，公共服務差別亦非常大。李宇嘉話，島內供給彈性小，供應量有限，早已進入存量時代嘅現狀，但廈門依然推出島內取消限購，說明當前廈門嘅房地產市場「確實較為波動」。