中港澳慘成ChatGPT孤島 透過VPN翻牆亦無法使用
中港澳慘成ChatGPT孤島 透過VPN翻牆亦無法使用

人工智能平台ChatGPT自7月9號起在中國、香港同澳門全面被禁,透過虛擬私人網絡(VPN)使用都會受到限制。OpenAI之前通知用戶,禁止唔支援嘅地區使用應用程式介面(API),包括中國、香港同澳門。

 

美國財政部對高新科技產業嘅投資加強監管,6月最新公佈咗,進一步限制美國高科技公司喺中國嘅活動。因應新規定,OpenAI發電郵俾用戶,指佢哋嘅應用程式介面(API)流量嚟自唔支援嘅地區,而家7月9號起會採取額外措施堵截。

 

中國嘅幾間科技巨頭都喺呢個機會推出「搬家優惠」。百度嘅「智能雲千帆大模型平台」推出「普惠計劃」,話可以讓OpenAI嘅用戶「零成本」切換返佢哋嘅平台;「零一萬物」亦出咗「二折平替 GPT-4o」方案。

 

喺香港方面,創新科技同工業局局長孫東透露,港府已研發咗ChatGPT嘅「替代品」,名為「公務員文書輔助系統」,由InnoHK嘅「生成式人工智能研發中心」(HKGAI)研發,佢哋嘅數據庫同大語言模型亦都係由HKGAI自主建立。

 

OpenAI一直未有開放中、港、澳使用ChatGPT,不過好多用戶透過VPN翻牆使用。有啲企業甚至將ChatGPT包裝成自家研發嘅應用程式,提供服務。不過,喺美國嘅新法規之下,即使透過VPN都無法使用ChatGPT。

發佈時間: 2024年07月10日 00:21
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.