公屋明年一月加租一成 將不再有寬免措施
公屋明年一月加租一成 將不再有寬免措施

香港房屋委員會今日公布,將自10月1日起上調轄下公屋租金10%,但延至明年1月實施。公屋租金每兩年檢討一次,房委會已完成檢討,按2021及2023年嘅公屋戶收入指數變動調整租金,將按機制加租至上限嘅一成。據現時公屋平均每月租金約2300蚊推算,平均每月加租約230蚊,涉及超過5億元。至於公屋富戶則唔會獲得延遲,需要喺10月1日繳交新租金水平。

 

過去多次加租,房委會都有寬免措施,包括2020年寬免兩個月租金、2022年加租後租戶喺首12個月都獲豁免繳交額外租金。今次房委會唔再有寬免措施,只會推遲生效日期。

 

有房委會資助房屋小組委員會委員認為目前本港經濟下行,應繼續提供寬免措施。房委會資助房屋小組委員會委員梁文廣表示,如果採取措施唔加租會影響房委會喺未來財政收入嘅估算,甚至會出現營運上嘅赤字。

 

梁文廣體諒需加租嘅必要,但指出基層市民實際收入雖有上升,因外圍經濟環境唔明朗,生活仍捉襟見肘,生活得緊絀,所以純粹法例上要加租就加,可能對基層市民生活造成負擔。佢認為長遠應檢討租金機制,加入考慮實際租戶嘅購買能力及生活水平等。

 

自港英政府年代起,政府就興建大批公屋供低收入市民租住,根據2022年第二季嘅數字,本地有216萬人喺公屋居住,約占總人口30%。近5年嚟,港府大部分時間出現財政赤字。有鑑於此,港府早前已公布調高大學學費,係27年來首次;接著又決定恢復徵收酒店房租稅3%,預定明年1月1日起生效。

發佈時間: 2024年07月08日 22:53
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.