普京再度釋出停火意願 並指不想要永恆的戰爭
普京再度釋出停火意願 並指不想要永恆的戰爭

四名俄羅斯消息人士向路透社透露,俄羅斯總統普京願意喺承認目前戰線嘅條件下,透過談判達成停火,結束烏克蘭戰爭。不過,如果基輔同西方唔回應,佢都準備繼續打落去。

 

三名熟悉普京幕僚討論情況嘅消息人士指出,普京對烏克蘭總統澤連斯基拒絕談判感到失望,並認為西方嘅支持阻礙咗談判嘅進展。另一位資深消息人士表示:「普京可以打幾耐就打幾耐,但佢都準備停火結束戰爭。」呢位消息人士曾同普京共事,且了解克里姆林宮高層嘅對話內容。

 

為此,路透社採訪咗五名與普京共事或曾與佢共事過嘅政商界高層人士。第五名消息人士並無評論以目前戰線為條件結束戰爭嘅提議。

 

普京嘅發言人培斯科夫喺回應置評請求時表示,克里姆林宮高層多次強調俄羅斯願意透過對話實現其目標,並且唔希望戰爭無休止咁持續落去。烏克蘭外交部同國防部則未回應置評請求。

 

消息人士透露,普京堅持喺協議中保留目前喺戰場上取得嘅利益,冇談判空間。佢滿足於目前嘅領土,準備將衝突凍結喺現有嘅前線。若衝突凍結喺目前嘅前線,俄羅斯將擁有烏克蘭頓內茨克、盧甘斯克、札波羅熱及赫爾松四州嘅大部分地區,但未完全控制任何一州,未達到莫斯科最初設定嘅完全控制目標。

 

普京曾向顧問表達,戰爭拖得愈耐,就會有愈多老兵返回俄國,但佢哋對戰後工作嘅前景不滿,可能引發社會緊張。美國國務卿布林肯上週訪問基輔時指出,普京對認真談判冇興趣。

 

所有消息人士都認為,普京了解任何重大進展都需要再一次全國動員,但佢唔願意咁做。2022年9月嘅首次動員後,普京嘅支持率下降。除非俄羅斯越過烏克蘭,與美國達成協議,否則喺澤連斯基任期內唔可能達成共識。培斯科夫重申,俄國對透過對話實現其目標保持開放態度,並唔想要「永恆嘅戰爭」。

發佈時間: 2024年05月25日 01:20
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.