本月初BBC於發佈一條街訪影片,問市民對於23條立法嘅睇法,大部分都避談離開,亦有人直言怕犯國安法。事件引發國際關注,令中央同特區政府難堪。日前就出現了民間反駁隊,有聲稱網民組識作隨機街訪,訪問了10人,全部都回答支持23條立法。
呢個網上流傳一段聲稱「網民組織」「扑咪調查局」拍攝嘅街訪影片,影片發佈喺Facebook專頁「城市大搜查 Citysearch 」,內容多為報道法庭暴動罪成案件;而發佈喺Youtube則係一個圍爐嘅頻道,內容大多係前政府新聞統籌專員馮煒光等建制人士訪問。
兩個平台標題都係《網民搞作「扑咪調查局」街訪市民談23條立法》。影片訪問咗10名市民,全部表明支持立法,目的係反駁《BBC》早前指港人對23條噤聲嘅報道。而且又話網民搞作,但影片就有建制作家屈穎妍做聲音評論。
影片開場有大量市民拒絕接受訪問嘅片段,屈穎妍喺影片中指,市民拒絕回應,其實未必想逃避問題,只是逃避抹黑事實嘅西方媒體,例如BBC咁。佢話市民沉默,先係西方媒體最想睇到。
「扑咪調查局」採訪咗10個市民,包括銀行職員李先生、秘書彭小姐、學生吳同學同李同學、做客戶服務嘅雷先生、做人力資源管理嘅張先生、室內設計師周先生、學生胡同學、律師李先生、巴士司機陳先生。結果受訪者全部都支持23條立法。喺片尾,執業大律師陳振威就表示,23條立法刻不容緩。
不過,喺連登討論區,有會員「二手口罩師」表示「3月14日我係西洋菜街行行下有一男一女舉支咪埋來話問我有無時間做個訪問」,連登仔被問到問支唔支持立法23條,佢表示「緊係唔支持」,結果「講完佢兩個唔該都無句就走X咗」,「今日先知原來係黨媒channel」,但表示「睇完成條片都搵唔到自己」,即係訪問有可能經過篩選。
英國廣播公司(BBC)中文版,喺本月初(1日)發佈一條題為《在香港討論國安立法是否已成公眾禁忌?》的影像報道,街訪途人「支唔支持《基本法》23條立法?」。影片中11名受訪者,有至少8人均拒絕評論或表示不清楚,有人明言擔心觸犯《國安法》,其餘三人分別有一人表明「唔支持」、一人表示支持,另一人答道「冇話支唔支持,都要接受架啦」。
於對影片反駁隊隊長長鄧炳強就回應話「我見到嘅人,好多都話好支持23條立法」,又話「個別機構點解令到啲人唔敢去答佢問題,呢個我就好難去評論」。可能因為咁,所以先有民間反駁出場,拍一條好多人都支持立法嘅片。