中國催谷招攬外資  華爾街日報:看不到好處、失去信任難回流
中國催谷招攬外資 華爾街日報:看不到好處、失去信任難回流

疫後中國經濟復甦未如預期,早前北京當局推出增加國際航班、放寬簽證等政策,希望吸引外資回歸。不過華爾街日報報導指出,面對中國經濟不景,以及政府加強監控社會,想外資好似咁過去咁回流中國恐怕不易。

 

報道指出,華府越來越多人對與中國打交道,會抱持懷疑態度。受先前「動態清零」和全國範圍嘅「反間諜」運動,令人對中國政府嘅不信任感無法消除。今年3月以來,美國國務院一直將中國列入「重新考慮旅行」名單,理由係中國存在被拘留以及隨意執行當地法律嘅風險。

 

報導引述駐中國嘅美企高階主管嘅說法,佢曾經喺屋企門口被9名警察要求檢查護照同埋確認雇主,呢啲情況令佢感到非常不安。佢仲直言,要恢復喺過去幾年中受損嘅信任,都需要好長一段時間。

 

中國國家移民管理局嘅統計顯示,舊年中國向外國人簽發各類居留證件71.1萬人次,比疫情前嘅2019年減少15%。包括商務旅客喺內嘅短期遊客減幅更大,高達2/3。

 

報導引述官方同商會數據顯示,喺中國登記嘅韓國人、日本人同英國人都較2019年大幅減少。上海面臨嘅挑戰尤為明顯,喺2022年封城措施迫使好多外國人離開之後,至今仍然難以恢復昔日嘅國際大都會風采。

 

報導指出,即使航班增加,都無法解決嗰啲外國對中國興趣下降嘅「根本性變化」。曾經幾何時,中國被全世界視為「遍地都係機遇嘅國度」,但而家中國嘅境況喺急劇逆轉。

 

報導引述駐上海供應鏈顧問嘅說法,「如果你係個有家庭嘅外國人,而希望發展自己嘅事業,你冇需要留喺中國,因為而家你嘅目的地已經係東南亞、印度或者中東」。

 

報導亦都引述Covington & Burling律師事務所高級顧問斯坦(Sean Stein)表示,過去中國嘅機會好多,想要力求上進嘅高階主管都爭相嚟中國,「而家就睇唔到嚟中國有咩好處」。

 

克雷蒙特麥肯納學院(Claremont McKenna College)政治學家裴敏欣分析,中國當局可以藉由穩定地緣政治緊張局勢,緩解中國同西方關係嘅疏離。但考慮到最近嘅(同中國)經濟脫鉤趨勢,人員從中國外流嘅情況唔太可能扭轉。

 

發佈時間: 2024年03月19日 14:48
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.