中國近年喺新興產業如電動車等領域大有斬獲,以致當前雖然經濟低迷,中共領導人習近平仍然深信終將「東升西降」。不過,有專家分析,電動車等產業所獲致嘅進步,仍然難以彌補中國喺其他方面導致嘅拖累。
紐約時報中文網尋日報道指出,習近平多年前曾經宣稱「東升西降」,不過而家睇起嚟仲係言之過早。目前中國經濟不景,又遇上人口減少同高齡化問題,加上競爭對手美國,已經喺人工智慧領域上,已取得領先地位。
有分析指,中國有可能喺成為超級大國之前,國力就已經到頂峰,無法再上一層樓。報道引述美國塔弗茲大學教授貝克利(Michael Beckley)表示,中國已經係一個「達峰大國」(peaking power),目前經濟增長放緩,只係仲未停止。
目前中國經濟而家面臨多項挑戰,包括經濟增長放緩、人口減少同老齡化、房地產泡沫、地方政府債務、美中貿易戰等。儘管面臨諸多挑戰,但習近平仍然堅信自己嘅政策能夠確保中國崛起,呢啲政策包括共產黨嘅廣泛控制、由國家主導投資電動車同半導體等行業等。
貝克利表示,中國領導層嘅似乎認中國增長速度唔會好似以前咁快,但係將透過控制全球經濟嘅關鍵部分,藉此獲得對貿易夥伴有更大嘅影響力。
然而,有經濟學家分析指,中國嘅命運取決於習近平對技術嘅押注係咪能夠獲得回報,但特定行業如電動車等所獲致嘅進步,仍然不足以彌補消費者信心下降、內房同地方政府負債等問題嘅拖累。
中國期待藉由佈局產業變革而獲利亦受到限制。中國南京大學外交政策學者朱鋒受訪表示,而家中國面臨來自其他大國嘅敵意,例如包括美國、日本同歐洲擔心失去就業機會同工業實力。
佢話,因此中國電動汽車出口激增——受益於大量政府補貼——可能會再次加劇貿易緊張局勢,經濟同外交壓力,認為係對中國提出咗改革開放以嚟最嚴峻嘅挑戰。
據香港南華早報6號報導,由於美國主導科技管制嘅權限,以及地緣政治同貿易戰加劇,分析指出美中兩國嘅經濟差距,可能令華府取得上風。
上海金融法律研究院執行院長、法學博士傅蔚剛表示:「面對日益增加嘅GDP差距,北京需要提振經濟增長。而當中國同美國進行招商引資時,北京將會發覺自身處於不利地位。
中國美國商會前主席吉莫曼(James Zimmerman)表示,北京當局無法或者無意採取修正行動,解決當前經濟難題,正係其備受批評嘅地方。佢仲指出,如果北京依然故我,中國將永遠超越唔到美國,情況仲可能越來越差。