周庭Youtube頻道重開 拍片談獄中生活 稱沉迷小說暫時忘卻現實痛苦
周庭Youtube頻道重開 拍片談獄中生活 稱沉迷小說暫時忘卻現實痛苦

現時身在加拿大讀書嘅前「香港眾志」副秘書長周庭,佢喺去年12月宣佈棄保流亡,警方表示譴責,仲話會終身追捕。近日周庭嘅YouTube頻道重開,拍片分享佢喺獄中嘅生活點滴,透露靠沉迷小說嚟逃避現實嘅痛苦。

   

周庭喺影片中表示,佢喺2019年8月因參與警察總部示威被捕,直至2020年11月23日被判刑之前,都係被羈押喺監獄嚟等判決。喺獄同外界隔離,最初佢覺得難以適應,每日以淚洗臉,但後來透過睇書、同囚友交流、寫信畀外面嘅親友,逐漸適應咗監獄嘅生活。佢被判監十個月之後被轉嚟羅湖懲教所,經過疫情下嘅隔離之後,開始咗喺羅湖嘅囚禁生活。

   

但不久之後,佢被調去大欖女懲教所,同時被列為甲級囚犯,意味住佢將面對更加嚴格嘅監管。佢表示喺羅湖懲教所嘅時候,十幾人喺同一間囚室,但去到大欖女懲教所,晚上就要單獨囚禁,生活同工作都有所改變。佢表示喺單獨囚禁時會感到寂寞。

   

喺談及監獄膳食嘅時候,周庭表示一旦在囚人士被正式判刑後,就再無食外面餐點嘅選項,一定要食懲教所提供嘅膳食,而且入獄之後需要選擇所需嘅膳食類型。此外,佢亦分享咗喺獄中娛樂活動,除咗睇書同埋畫畫之外,囚犯可以喺公共空間睇電視。

   

周庭提到,佢喺獄中不鍾意睇太沉重嘅書籍,主要閱讀小說度過獄中生活,短短6個多月獄中生活就睇咗約20本東野圭吾嘅小說,仲看埋成套哈利波特、飢餓遊戲。周庭表下「睇小說能令我沉迷喺幻想世界裡,暫時忘記現實世界嘅痛苦」。佢又表示:「「有時睇完小說後回到現實世界,自己被四面牆包圍,坐在硬板床上,會有有一種落寞同唔開心嘅感覺」。

   

周庭又提到咗一次怪事,佢話佢寫嘅信每一封信都能寄到朋友手,但係只有6月4日她寫畀朋友嘅信無法收到,但信中內容同政治或敏感議題無關。

   

最後,周庭佢表示呢啲經歷令佢更加珍惜自由,同埋希望能夠透過YouTube頻道繼續分享更多自己嘅故事同觀點。

發佈時間: 2024年02月27日 15:28
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.