涉自導自演遭綁判監兩年 台網紅晚安小雞GG 澳洲導演爆柬埔寨監獄「人間煉獄」景象 百人困囚室、吃排泄物
涉自導自演遭綁判監兩年 台網紅晚安小雞GG 澳洲導演爆柬埔寨監獄「人間煉獄」景象 百人困囚室、吃排泄物

台灣網紅「晚安小雞」同埋「阿鬧」喺柬埔寨自導自演被毆打、囚禁鬧劇,及後被柬埔寨警方逮捕,經審訊後被判處有期徒刑2年,仲要罰款各400萬柬幣(約1000美元)。好多網民關注佢哋幾時入獄,不過柬埔寨嘅監獄環境出名惡劣,似乎有排佢地受。

   

柬埔寨監獄嘅環境一直都備受爭議,好多人權組織同埋傳媒都有報道過監獄入面好惡劣嘅情況。聯合國人權事務委員會喺2021年,日內瓦會議中提出關於柬埔寨監獄的情況,希望柬埔寨政府能改善。

   

澳洲攝影師James Ricketson喺2017年期間,因為用航拍機拍攝反對黨示威,被冠以間諜罪名而被囚禁,而喺2018年8月就被柬埔寨法院判刑六年。喺經過長達一年嘅請願同埋聯署之後,柬埔寨政府喺2018年9月就特赦咗佢。

   

Ricketson離開柬埔寨之後就向《BBC》等傳媒透露,提及監獄入面嘅情況,喺一個勁擠迫嘅地方,好多人要擠喺唔到100平方公尺嘅空間裏面訓覺,仲唔可以翻身。好多人有皮膚病同埋肺炎,仲有好多蚊蟲,有啲人仲要食自己嘅排泄物。

   

另一邊廂,柬埔寨總理韓馬今日出席活動時,首次談及「晚安小雞」同埋「阿鬧」造假事件。佢表示,兩人係由台灣飛嚟金邊之前就已經度好劇本,原本想喺金邊拍攝,但唔成功就轉咗去西港。

   

韓馬表示,呢對台灣網紅喺西港拍攝咗被綁架、毆打嘅造假片,之後將影片傳畀人在台灣嘅老婆於上網傳播,目的就係為咗網路流量同直播賣貨。佢批評佢哋自私嘅行為會令外國遊客唔敢嚟柬埔寨觀光,令柬埔寨人民失去收入。

   

韓馬亦講到兩年前嘅「血奴事件」,當時有人話被帶到柬埔寨之後幾乎被取走器官,不過後來證實係中國男子同埋護理師一齊搞嘅騙局。韓馬話,為咗避免類似嘅造假事件再次發生,柬埔寨政府會根據法律嚴懲罪犯,等刑期完咗之後就會驅逐出境,並且會列入入境黑名單。

發佈時間: 2024年02月19日 16:42
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.