泰國總理賽塔爆料 Taylor Swift不到泰國開騷原因 新加坡用這招獨佔東南亞演出
泰國總理賽塔爆料 Taylor Swift不到泰國開騷原因 新加坡用這招獨佔東南亞演出

國際巨星泰勒絲(Taylor Swift)喺舊年舉辦巡迴演唱會,不過喺亞洲地區,佢只有喺日本同新加坡演出,香港、台灣都冇份,早前被質疑香港冇份,文體旅局長楊潤雄就話「世界級嘅我連佢電話都未必搵到」。泰國總理賽塔日前表示,因為新加坡政府提供咗每場幾百萬美元資助,促使泰勒絲喺東南亞地區只喺新加坡「獨家」演出。


泰勒絲原本喺2014年計劃喺泰國曼谷開場演唱會,不過當時發生軍事政變,演唱會就被取消咗。而去年舉行嘅巡迴演唱會入面,新加坡就成為唯一有份舉行嘅東南亞國家。

   

去年年8月成為泰國總理嘅賽塔,2月16日喺iBusiness論壇上透露,佢同負責泰勒絲巡迴演唱會嘅安舒茨娛樂集團(AEG)進行咗對話,希望泰國能成為泰勒絲喺東南亞演出嘅中心。

   

賽塔表示,佢邀請咗AEG嘅高層管理人員喺12日去總理府見面,同佢地保證泰國政府已經準備好提供稅收優惠同埋其他誘因,吸引更多嘅巨星演唱會同埋世界級嘅慶典活動喺泰國舉行。佢又指,一直對於泰勒絲冇喺泰國舉行演唱會感到不解。安舒茨娛樂集團就同佢講,新加坡政府資助泰勒絲每場演出約200萬至300萬美元。

   

賽塔講,新加坡政府咁樣就令泰勒絲喺東南亞「獨家」演出,,並認為新加坡政府好精明。泰勒絲將喺3月2至4日同7至9日喺可容納55,000人嘅新加坡國家體育場舉行演唱會,每場嘅門票都已經售罄。賽塔又說:「如果我知道呢件事,我就會帶(泰勒絲)嚟泰國…… 演唱會可以帶嚟額外嘅經濟價值。」佢指國際巨星演唱會可以吸引外國fans來訪,並喺「旅館到觀光活動、路邊攤烤肉」花錢,坦言即使資助至少5億泰銖(約1400萬美元)都值得。

   

賽塔解釋,大型巡迴演出需要時間安排,要喺2024年底舉行這類活動有難度,不過泰國政府會努力達成。由此可見外國政府邀請巨星都相當大手筆,反觀特區政府諗住用百幾萬,就想叫美斯維港遊船河同參觀啟德體育園宣傳特區政府,真係笑死人。

發佈時間: 2024年02月19日 14:15
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.