中國美國商會調查: 逾半美企對中國市場開放信心不足 三成外資受到不公平待遇
中國美國商會調查: 逾半美企對中國市場開放信心不足 三成外資受到不公平待遇

根據中國美國商會最新發布嘅調查報告,表示喺中國投資嘅美國企業,對於2024年嘅投資環境持「審慎樂觀」嘅態度,有半數受訪者仍然將中國列為全球前三大投資目的地之一。然而,同時亦有57%嘅企業對於中國市場開放嘅信心不足。

   

據《美國之音》報導,中國美國商會喺1日發布嘅「中國商務環境調查報告2024」,內容指疫情防控措施解除後,企業經營狀況有所回暖,將中國視為主要投資地嘅企業數量有所增加,但美中關係緊張,仍然係影響美企投資態度嘅首要因素。

   

去年嘅報告中,只有45%嘅受訪者將中國視為全球前三大投資地,而喺2024年,比例就回升至50%,但仍低於以往年份平均嘅60%。

   

對於中國嘅投資環境,舊年有45%受訪企業覺得環境變差,但今年只有35%,而且有28%嘅受訪者認為投資環境正在改善,比去年多咗7%。

   

中國美國商會主席斯坦(Sean Stein)表示,有多個跡象顯示中國經濟開始穩定,並且開始從2023年嘅困難時期復甦。即使增長率可能唔會大幅上升,但從商會嘅企業成員表,中國有更多成長嘅跡象。

   

不過美國企業對於中國經濟復甦持相對樂觀嘅態度,但報告同時顯示,美企對於中國市場進一步開放嘅信心仍然不足。

   

報告顯示,有57%嘅受訪企業對於中國喺未來三年進一步開放市場表示不確定或信心不足,而且大約有三分一嘅受訪者指出,相比中國本土企業,外資企業受到更多不公平待遇,當中以技術同研發行業尤甚。

   

報告提到,有39%嘅受訪企業表示,由於不確定呢啲行動嘅未來方向是否適用於外商投資企業,加上缺乏透明度,導致企業總部嘅不確定性同擔憂程度提高,影響咗佢哋喺中國投資嘅信心同意欲。

發佈時間: 2024年02月02日 16:48
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.