栢麗大道從國際走向大陸化 有店鋪尺租狂跌八成
栢麗大道從國際走向大陸化 有店鋪尺租狂跌八成

外國雜誌《經濟學人》最新一期報道指出,香港正逐漸喪失國際化城市嘅特色,而尖沙咀廣東道就發生咗一個「本地化」嘅租務個案。之前曾經由國際高級時裝品牌以每月700萬元租用嘅舖位,而家改由零食物語以20萬元嘅短期租約接手。

        

另一方面,一街之隔嘅栢麗大道,景象亦有咗明顯變化。以前曾經係國際連鎖嘅服裝店林立嘅繁華街道,但而家已經唔見以前嘅熱鬧。目前68個舖位當中,有14個已經關門大吉,連珠寶門店都開始撤走,取而代之嘅係夾公仔機店、平價衣飾店同埋2元特賣店等等。

      

新進駐嘅商戶中,有唔少本地同內地品牌。例如,最醒目嘅店鋪之一係中信證券嘅雙連舖,報導指呢間係中信證券財富管理(香港)嘅第五間分行。除此之外,DJI同埋聯想都入駐咗。DJI去年開設咗香港嘅首間門店,仲有香港著名影星任達華出席開幕儀式。另外,本地風水品牌「七星堂風水世家」亦進駐咗栢麗大道,提供預約服務到內地看風水。

      

栢麗大道由以前賣國際時裝,變成現在嘅中資證券商、風水店同夾公仔機店,服務對象似乎已經改變。舊時嘅租務個案顯示,有時裝店曾以每月約9.8萬租用,平均呎租110元,但而家疫情過後租金大跌40%;而由Lacoste長期租用、高峰期月租高達120萬元嘅大舖位,現時只以20萬元出租,呎租下降至72元,比高峰期跌咗83.3%,反映出栢麗大道嘅租金能力大幅下降。

       

隨著中資證券公司同埋多個中資食肆品牌陸續進駐香港,本地嘅市容已經慢慢改變,變得更加貼近內地專才嘅生活環境。栢麗大道已經獲准改劃為「食肆(自助餐廳、咖啡室及茶室)」同「商店及服務行業」用途,而家嘅國貨林立情況,可能會令呢條街變成一條類似內地嘅美食街。

     

未來「尖咀夜繽紛」活動中,呢條「國貨大道」可能會變成一個吸引大陸人嘅地點,令內地專才有種回到家鄉嘅感覺,特別係享用小龍蝦等美食嘅時候。旅發局亦可能會推出相關嘅紀念品,如豬皮、豬紅公仔等,以吸引更多大陸遊客到訪,從而穩固內地租客嘅需求。

發佈時間: 2024年01月30日 22:42
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.