近日，中國德國商會發佈咗一份「2023/24年度商業信心調查報告」，內容顯示絕大多數喺華德國企業對中國經濟前景保持謹慎態度，受訪嘅德企中，有83%認為中國當前經濟狀況呈下降趨勢，另外調查顯示，計劃撤資嘅比例比往年倍增。

呢份調查報告係基於2023年9月5日至10月6日之間，對566家中國德國商會會員企業進行嘅調查結果。報告顯示，42%嘅德國企業預計佢哋嘅行業今年將呈現積極發展趨勢，較舊年嘅21%有顯著增加。呢反映出，即使目前中國經濟面對挑戰，德企喺中國仍有穩定發展嘅信心。78%嘅受訪企業預計，未來五年會維持穩定嘅增長。

調查中亦提及，雖然有54%嘅德國企業認為，相比其他市場，中國市場嘅投資吸引力逐漸減低，不過亦有近半企業表示，佢哋打算喺未來兩年，喺中國增加投資。可見即使面對經濟環境轉差，中國市場仍對外資仍有一定吸引力。

報告中特別指出，中國創新市場對德國企業嚟講日益重要。37%嘅受訪企業認為，同其他市場相比，中國嘅創新市場吸引力將會增加。46%嘅企業計劃同本地企業合作，以維持佢哋嘅競爭力。

喺汽車行業方面，德國企業中國品牌嘅競爭。報告指出，58%嘅德國汽車企業預計，中國嘅競爭對手將喺未來五年內趕上，甚至超越佢哋。

此外，報告亦提到德企喺中國遇到嘅阻礙。33%嘅企業表示，法律嘅不確定性，係佢哋要面對嘅一大問題，而22%嘅企業則認為，同本地競爭對手相比時，會受到不公平待遇。至於喺公共採購領域，超過一半嘅德國企業遭遇透明度不足同「購買中國貨」等政策障礙。

為應對呢啲挑戰，44%嘅德國企業已經採取措施，以降低喺中國業務運營中可能面臨嘅風險。呢啲措施包括建立獨立於中國嘅供應鏈、喺中國境外設立業務等。

不過美媒解讀報告嘅角度又唔係咁相同，據《路透社》報道，當前有9%嘅德企正考慮撤離中國市場，比例係過去四年嘅兩倍。呢數據反映出德企喺中國面臨嘅多重挑戰，包括強勁嘅本地競爭、唔平等嘅市場准入、經濟困境同地緣政治風險。

報道又指，德國政府去年中已經轉變對華嘅投資策略，採取「去風險」戰略。德國外交部長貝爾博克（Annalena Baerbock）舊年就警告「德國政府無法救助喺中國投資嘅德國企業」。