特首李家超今日（25日）到立法會出席互動交流答問會，討論基本法第23條嘅立法工作。佢提到留意到有敵對力量透過網絡進行大量抹黑同歪曲特區政府工作嘅宣傳，強調特區政府將成立專門反駁隊，並加強「應變反駁隊」嘅工作。佢更點名葉劉淑儀、李慧琼、黎棟國等立法會議員將成為核心成員，參與解說及反駁工作，表示社會有共識希望盡快完成23條立法。

李家超表示，喺2019年後，社會共識係要好好處理23條立法，並強調國際解說嘅重要性。佢表示會就23條立法成立「應變反駁隊」，針對社交媒體負責釐清真相。佢表示敵對勢力會喺文宣工作，特別係喺網上，大量抹黑同歪曲23條立法，佢呼籲議員如果見到抹黑或惡意攻擊訊息，可以通知政府。佢又點名葉劉淑儀、李慧琼、黎棟國3名立法會議員成為「核心成員」，進行解說及反駁隊工作，

李家超表示，香港嘅國安法相對於全球其他國家安全法律來講，只佔小部分，形容係「小巫見大巫」。另外，佢強調保障自由人權嘅標準符合國際標準，基本法同香港國安法都明確適用於國安措施同案件嘅方法。

曾於2003年立法期間擔任保安局局長，推動23條立法嘅葉劉淑儀，就表示終於可以完成廿年前嘅心願，作為議員參與23條立法工作。

李家超提到，今次23條立法中，感覺到議員有共識要實踐26年來未完成嘅憲制責任，指經歷2019年嘅黑暴後，香港人真正醒覺到世道險惡，佢指「可能香港人真的太君子、不知道世途險惡、不知道豺狼當道、也不知道世界當時這麼多小人，對香港這塊肥豬肉虎視眈眈」。

李家超表示，23條立法工作刻不容緩，政府會設立解說隊伍，由佢同律政司司長林定國、保安局局長鄧炳強領導，並有支援隊伍協調工作。佢表示完成《基本法》23條立法，係將困擾香港多年的問題寫上句號，之後香港便可以無後顧之憂，全心全意、集中精力去拼經濟及發展，解決民生問題。

另外，在答問會期間，選委界嘅謝偉俊發言指政府加強「抄牌」、阻街、亂過馬路、打擊書店、工廠食堂違規等，而且「親無納稅的小紅書帳戶，遠一直納稅的香港人」，擔心官民矛盾會進一步激化。

李家超回應稱，政府明白市民對於政治同經濟衝擊嘅擔憂，但強調應以積極態度面對挑戰。李家超表示，以挑撥矛盾嘅方式宣傳，做法是「迂腐而且危險」，佢表示有責任將社會帶向正向思維，「如果唔是矛盾，就唔好講成矛盾」。李家超並指，「剛才（謝偉俊發言）有啲用詞更加係危險，令我想起 2019 年黑暴嘅時候，軟對抗同反動力量嘅形容詞，我睇到再有出現的苗頭，就要即刻打擊、制止，唔好助長。」