港股低迷導致韓國爆發示威 大批長者嚴寒上街
港股低迷導致韓國爆發示威 大批長者嚴寒上街

香港股市持續低迷,不單止影響本地市場,仲引起韓國社會一場慘劇。自2024年開始,港股唔斷下挫,其中恒生中國企業指數跌幅接近10%,引發嘅影響遠達韓國,令到大批韓國長者投資嘅「國企指數ELS」損失慘重。ELS產品含有槓桿作用,三年間長者嘅投資已經蝕咗一半,損失額擴大至2296億韓圜,即約13.4億港元。苦主為此走上街頭示威。

   

根據韓國《每日經濟新聞》報導,ELS自去年底爆煲傳聞後,受影響嘅投資者就多次上街示威,甚至削髮抗議。ELS票據嘅虧損額由1月12日嘅1067億韓圜(6.2億港元)急增至2296億韓圜(13.4億港元)。研究指出,韓國散戶投資者投資三年損失本金逾半。

   

韓國傳媒對港股指數嘅評價係「臭名遠播」。報道指出,三年前韓國五大銀行大力推銷恒指國企指數ELS,佢哋承諾嘅回報率約3%,但如果指數喺到期日跌落35%至55%,投資本金就會損失。過去三年國企指數由12228點高位跌落到5000點,跌幅近六成。截至1月23日,恒生國企報5103點,2024年已下跌約9%。

   

韓國金融監察院今年初開始調查十二間金融機構,包括國民銀行(KB Kookmin)、新韓銀行(Shinhan)、韓亞銀行(Hana)、友利銀行(Woori)同農協銀行(NongHyup)。事件引起廣泛關注,有疑慮指出銀行員工為咗完成業績,忽視投資者風險承受能力,甚至以「除非香港滅亡」誤導散戶,聲稱ELS屬低風險投資,吸引大量長者購買。

   

逾9成ELS產品嘅持有者係散戶,三分之一投資者屬65歲以上長者。有分析指,若國指無法喺到期日之前反彈,投資者最終可能蝕損高達6萬億韓圜(約350億港元)。

   

韓國嘅ELS產品係金融機構根據中國企業指數設計嘅。2019至2021年,中國A股連續三年上升,但2022年開始下跌。分析指出,當時承諾嘅3至5厘回報率,似乎低過美國國債息率,但因南韓貨幣政策高度受美國影響,當地央行基準息率長期維持於1厘左右,令市面缺乏可靠嘅高回報投資產品,導致普羅大眾對「銀紙貶值」感到焦慮。

發佈時間: 2024年01月23日 18:35
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.