怕畢業即失業 內地大學生搵工難 竟回鍋「降級」重讀技術學院 盼學一技之長易搵工
怕畢業即失業 內地大學生搵工難 竟回鍋「降級」重讀技術學院 盼學一技之長易搵工

中國經濟低迷,青年失業率高企,雖然官方改咗計算方便,但改變唔到現實。近來愈來愈多內地擁有大學學位嘅青年選擇重返校園,但選擇嘅唔係碩士或學士,而係公認學歷遜於大學嘅職業學校,希望學到一技之長更易搵工。佢哋認為重讀職業學校唔會無面,真正無面嘅係無嘢做。職業院校嘅教師預計,呢種現象將會持續增加。

   

據內媒《第一財經》報導,廣州嘅廣東嶺南職業技術學院過去兩年已經錄取超過150名擁有大學學位或以上學歷嘅畢業生。呢班學生主要報讀心理諮詢師、公共營養師同健康管理師等課程。該校招生辦公室嘅何老師指出,呢班學生多數希望去一線城市「北上廣深」搵嘢做,認為有技術證書會就會有更多就業機會。

   

何老師認為,大學畢業生「回鍋」嘅主要原因包括市場需求同就業前景。職業院校提供嘅技術證書相對價格較低,而且很多大學生雖然有學歷但缺乏職業技術培訓。喺當前嘅就業市場,同時擁有學歷同技術嘅人更具競爭力。


   

一位受訪嘅大學畢業生小牟表示,佢本身學中醫,原本打算去北京發展,但現實逼人,最終喺北京做保安。目前佢已經辭職,打算學習新技能。佢表示往前就有機會,認為無事可做先丟架。

   

據美國之音報導,有職業介紹人士表示,由於受新冠疫情影響,經濟復甦疲弱,令人工大縮水,大學學歷亦貶值。就算係「985院校」或「211工程」重點大學學生,雖然易搵嗶嘢做,但人工就至少低過以前三成,從疫情前嘅過萬元,跌到落六七千蚊。

   

一名沿海城市大學嘅教授表示,目前只有學習人工智能等熱門行業嘅學生較容易找到工作。而像室內設計等較為偏門嘅行業,學生找到工作嘅機會就相對較少。佢指因為就業困難同低薪問題,大約有兩成左右嘅家境較好嘅畢業生選擇「躺平」,即係留喺屋企無所事事或者以準備考研為由拖延搵工計劃。

   

另一邊廂,上週中國國家統計局公佈嘅青年失業率新數據顯示下降趨勢,但引起經濟專家嘅質疑。據報導,去年12月城鎮青年失業率為14.9%,明顯低過去年6月逾20%嘅數據。然而,專家擔心單憑修改統計方法得出嘅一個月數據,難以消除對中國官方數據準確性嘅長期疑慮。

   

恆生銀行(中國)首席經濟學家王丹認為,新方法可能會加劇公眾對官方數據嘅不信任。新數據不包括近6200萬16至24歲嘅在校學生,只集中喺真正需要工作嘅人群。國家統計局未提供新舊方法嘅比較詳情,亦冇重新計算過去嘅數據。

   

專家指出,要有更清晰嘅理解同更長時間嘅數據,先能夠判斷青年失業率係好轉還是惡化。報導指出,其他國家包括美國同歐洲,對待在校學生嘅失業統計方式與中國不同。

   

中國官方數據長期受到質疑,尤其係失業人數嘅統計方法,例如農村人口嘅求職情況唔包括喺官方失業統計內。去年8月停止公佈青年失業率後,就業市場嘅透明度進一步降低。

發佈時間: 2024年01月22日 16:58
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.