向老人埋手? 發改委:銀髮經濟是「中國式現代化」重要支撐  商務部:加大數碼助老宣傳
向老人埋手? 發改委:銀髮經濟是「中國式現代化」重要支撐  商務部:加大數碼助老宣傳

近日,國新辦舉行咗記者會,介紹《關於發展銀髮經濟增進老年人福祉的意見》。國家發展和改革委員會副秘書長張世昕喺會上表示,隨住內地人口老齡化日益嚴重,發展銀髮經濟變得尤為重要,並強調呢個係「中國式現代化」建設嘅關鍵支撐。


   

據新華社報導,張世昕指出,內地有將近3億老年人,佢哋對提高生活品質嘅願望同需求不斷增強。尤其係60後嘅新老年群體,對於衣、食、住、行、用等傳統需求以外,仲有健康、養老服務,甚至包括藝術、體育、休閒同娛樂等更多元化嘅新需求。


   

張世昕提到,銀髮經濟嘅涉及範圍廣泛,產業鏈長,業態多元,同時蘊藏着大量新機遇。佢仲強調,人口老齡化係經濟社會發展到一定階段嘅自然產物,同老年人相關嘅經濟活動成為經濟社會發展嘅重要組成部分。

   

商務部服務貿易和商貿服務業司嘅負責人朱光耀表示,下一步將積極推動銀髮經濟發展,更好滿足老年人嘅消費需求。此外,亦會加強銀髮經濟嘅跨區域同國際合作,推動家政服務業嘅提質擴容,強化發展支撐。

   

工業和信息化部消費品工業司嘅司長何亞瓊提到,將加大數字(即係數碼)助老惠老嘅宣傳力度,充分發揮互聯網平台作用,製作簡單易懂嘅教學短片。

   

國務院之前已經鼓勵金融機構加大對銀髮經濟產業項目嘅支持,指出發展銀髮經濟係積極應對人口老齡化、推動高質量發展嘅重要措施,並強調政府要切實履行保基本、兜底線職責。

   

本月中,中國政府網刊登咗《關於發展銀髮經濟增進老年人福祉的意見》,提出了大陸首個支持銀髮經濟發展嘅專門文件。文件中包括4大方向、26條重要舉措,旨在解決老年人7方面嘅急需,並提出培育發展7大潛力產業,滿足老年人嘅多樣化需求。為銀髮經濟嘅高品質發展,部署安排咗6大專項行動。

   

該「意見」顯示,將喺京津冀、長三角、粵港澳大灣區、成渝等區域,規劃布局約10個高水平銀髮經濟產業園區,以推動銀髮經濟嘅整體發展。

發佈時間: 2024年01月22日 15:41
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.