大摩:外資去年12月拋售逾38億中港股票 創史上第3高
大摩:外資去年12月拋售逾38億中港股票 創史上第3高

2023年外資加速脫離中國,中國同香港股市表現慘淡。據《路透社》3日報道,引述摩根士丹利發表報告指,2023年12月中港股市資金淨流出達38億美元,規模僅次於2015年8月、2020年3月,創歷史第3高。

   

摩根士丹利分析師指出,去年12月從中港股市淨流出嘅38億美元資金之中,有20億美元係投資人贖回所致,其餘就係基金經理人減持中國股票,轉移到其他更具成長性市場。

   

2023年,中國滬深300指數下跌了11.38%,香港恆生指數下跌了14%,成為全球表現最差嘅市場之一。

   

資金從中國撤走,東南亞國家卻有上升跡象。據《日經亞洲》報道,國際大型投資銀行為東南亞客戶提供嘅債券同股票發行嘅諮詢費用,超過佢哋喺中國獲取嘅相關費用,係2008年以來首見。

   

報道指摩根大通、花旗等國際大投行,喺東南亞國家收取嘅股票同債券發行諮詢費總計8.92億美元,而喺中國客戶度收取嘅類似費用總計8.54億美元。睇落好似差唔多,但喺2020年中國支付嘅相關費用總額係38.3億美元,而東南亞國家只有9.64億美元。

   

日經亞洲分析指,原因是印尼同印度嘅IPO市場興起,而中國企業對上市美國證券市場嘅需求則大幅下降。

   

不過,近日中國當局強調,中國仍然吸引了大量外國投資,其規模仍然處於歷史高位。商務部新聞發言人何亞東表示,自2019年至2021年,中國吸引外資連續三年創下新高,2022年1至11月實際使用的外資達到1.16萬億元,是歷史上同期的最高水平。儘管在去年,由於高基數嘅關係,外資流入出現了一些波動,但2023年1至11月有1.04萬億元嘅引資規模,仍然處於歷史高位。

   

何亞東表示,中國經濟保持穩定增長,長期看好,其基本面沒有發生變化。隨著外國投資政策的實施,中國市場對外資的吸引力將會進一步增強。

發佈時間: 2024年01月04日 16:37
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.