力壓日本勁敵 劉慕裳榮登空手道「世一」再創歷史 楊潤雄:香港再培養出世界第一的運動人才
力壓日本勁敵 劉慕裳榮登空手道「世一」再創歷史 楊潤雄:香港再培養出世界第一的運動人才

香港空手道運動員劉慕裳喺女子個人形項目中,升至世界排名第一,成為香港首位「世一」嘅空手道運動員。文化體育及旅遊局局長楊潤雄今日(3日)發文表示祝賀,指香港再次培養出世界第一嘅運動人才,令人振奮。

   

劉慕裳喺世界空手道聯會最新公布嘅排名中,以7125分超越了日本兩位名將大野光嘅7065分同清水希容嘅4515分,登頂成為世界排名第一。佢喺Facebook分享了這一喜訊,表示「感謝團隊、朋友和家人的支持。今次的成功提醒我要繼續努力尋求突破界限,亦要繼續相信自己。」

   

據《香港01》報道,劉慕裳受訪時表示其實唔係由佢自己登上榜,而係準備練習時,有人問我知唔知道升上世界第一。佢表示當時有一刻係唔信,以為係講笑。佢解釋指原本預計喺一月巴黎站嘅超聯後,先至於升排名。認為比預期中快,並指2024年這個頭開得好開心。

   

劉慕裳過去曾經喺東京奧運奪得銅牌,喺2023年表現突出,喺亞洲錦標賽上首次奪得女子個人形金牌,並喺世界錦標賽中獲得銀牌,僅以一分之差落後於日本對手大野光。

   

文化體育及旅遊局局長楊潤雄對劉慕裳的成就表示衷心祝賀,認為劉慕裳首登「世一」,為本港空手道寫下輝煌新一頁,並為她一直努力不懈感到驕傲。又指香港再次培養出世界第一嘅運動人才,令人振奮。

發佈時間: 2024年01月03日 16:46
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.