烏克蘭26日凌晨向黑海沿岸的克里米亞(Crimea)小鎮費奧多西亞(Feodosia)發動襲擊,除咗傳出爆炸聲,當地港口更起火,冒出濃煙。及後烏克蘭空軍就表示佢哋對當地發動空襲,摧毀咗俄羅斯黑海艦隊嘅「新切爾卡斯克號」(Novocherkassk)。
據法新社報導,「新切爾卡斯克號」登陸艦疑似係用嚟運載無人機。烏克蘭空軍喺社交平台Telegram表示,呢艘艦艇已經被佢哋摧毀,該艦運載嘅係伊朗製「見證者」自殺式,係俄羅斯常用嚟對付烏克蘭嘅武器。
烏克蘭空軍司令奧列休克(Mykola Oleshchuk)喺Telegram上表示,佢哋喺凌晨發動咗攻擊,摧毀咗位於費奧多西亞嘅「新切爾卡斯克號」,但未提供相關證據。佢話呢個行動使俄羅斯艦隊變得更細。
俄羅斯扶植的克里米亞行政首長阿克瑟諾夫(Sergei Aksyonov)稍早表示,烏克蘭對費奧多西亞港口區嘅攻擊引發火災,但火勢好快得到控制。
另一邊廂,俄羅斯軍方今日(26日)表示,佢哋已經完全掌控咗烏克蘭東部嘅馬林卡鎮(Maryinka),俄羅斯總統普京(Vladimir Putin)更讚揚呢一場勝仗。俄國國防部長紹伊古(Sergei Shoigu)喺一場會議中向普京報告,話控制咗馬林卡鎮,令俄軍可以進入更廣闊嘅作戰區域,同時有效保護頓涅茨克(Donetsk)免受烏軍襲擊。
烏克蘭軍隊自6月開始沿著國內南部同東部戰線發起反攻,但最近進展有限,戰果甚微,反而俄羅斯軍隊最近幾周加強攻勢。