王毅:中國人權道路符合國情、契合人民願望 習近平推動人權事業取得一系列新的歷史性成就 內地網民都頂唔順: 為啥有些人說謊話能面不改色心不跳
王毅:中國人權道路符合國情、契合人民願望 習近平推動人權事業取得一系列新的歷史性成就 內地網民都頂唔順: 為啥有些人說謊話能面不改色心不跳

中國外交部長王毅尋日(5日)喺「紀念《世界人權宣言》發表75週年」國際研討會開幕式時發言,佢指中國嘅人權發展道路「符合中國國情、契合人民願望」,並話係習近平領導下,中國喺人權事業上取得歷史性成就。真係只你唔尷尬,尷尬嘅就係人哋。連內地網民都頂唔順,話係「睜眼說瞎話」。

   

王毅提到,自新中國成立以嚟,中共同中國政府一直重視人權保護,並將其同中國嘅實際情況相結合,走出咗一條符合國情嘅人權發展道路。佢仲話進入新時代以來,由習近平為核心嘅黨中央,將尊重同保障人權作為治國理政嘅重要工作,推動中國人權事業取得一系列新的歷史性成就。

   

王毅強調,中國選擇嘅人權發展道路符合中國國情、契合人民願望,中方將堅定不移地向前推進。中國願意喺平等尊重嘅基礎上同各國交流對話,攜手達成《宣言》確立嘅目標。 

   

王毅嘅談話重點包括四個主要方面:

   

倡導共同安全:佢提出,為咗實現人權,需要創造一個更安寧嘅國際環境。呢個包括維護以聯合國為核心嘅國際體系同國際法為基礎嘅國際秩序,以及通過對話解決分歧同衝突。

   

堅持發展優先:王毅強調,為咗實現人權,需要提供堅實嘅物質基礎。佢提到,中國致力於提升全球發展嘅公平性、有效性同協同性,同反對技術封鎖同發展脫鉤,以確保各國人民享有平等嘅發展權利。

   

促進交流互鑑:王毅提倡尊重世界文明嘅多樣性,鼓勵各國根據自身情況探索適合自己嘅人權發展道路。

   

秉持公平正義:佢反對利用人權問題干涉他國內政,反對將人權問題政治化、工具化同意識形態化,呼籲多邊人權機構秉持公正、客觀嘅原則。

   

從內容可以看到,王毅好明顯係借人權話題拉去講反對脫鉤斷鏈、科技圍堵中國,再加上反對集團對抗、反對干涉內政同埋國情有別,要實現人權就要先畀中國贏四次。

   

據《自由亞洲電台》報導,中國國內對相關新聞嘅評論進行咗嚴格嘅過濾,但喺海外社交媒體上,好多網民對王毅嘅演講表示強烈不滿,認為佢係公然說謊。好多網友質疑中國喺人權問題上嘅實際作為,同對中國政府嘅人權記錄提出批評。

   

甚至內地轉載相關新聞,都有內地網民頂唔順喺微博留言表示「為啥有些人說謊話能面不改色心不跳」「一切權力屬於人民,人民是誰?」「有頭有臉但不要啊」「今天看到最好笑的笑話,有才」「」

   

國際社會對中國嘅人權狀況持續表示關切,美國國務院嘅《2022年度各國人權報告》中指出,中國存在多種侵犯人權嘅行為,包括對新疆維吾爾族等少數民族嘅種族滅絕。報告批評北京當局濫用權力,持續壓制異見。

發佈時間: 2023年12月06日 12:54
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.