【反向消費】 土到極致就是潮? 羽絨加價00後追捧軍大衣  「不是羽絨外套買不起,而是軍大衣更有性價比」
【反向消費】 土到極致就是潮? 羽絨加價00後追捧軍大衣 「不是羽絨外套買不起,而是軍大衣更有性價比」

在中國,一個關於「羽絨衣變貴」的話題引起廣泛關注,「羽絨衣漲價把市場讓給了軍大衣」話題更登上微博熱搜。中國軍大衣突然受到年輕大學生歡迎,更蔚然成風,網上更有調侃指「土到極致就是潮」。背後其實係中國青年近來流行的「反向消費」,表示「不是羽絨外套買不起,而是軍大衣更有性價比」。

   

喺香港,羽絨外套流行近20年,因為其輕盈又保暖,所以成為冬季首選。但喺今年,內地北方嘅大學生開始穿起「老派」嘅軍褸同棉納。社交媒體上經常能看到學生著住去運動會、上堂同喺校園入面走動嘅影片同照片。

   

據央廣網報道,由於羽絨外套年年都加價,所以年輕人睇中咗軍褸。據中華全國商業資訊中心資料,2015年到2020年間,內地嘅羽絨服均價已經從438元人民幣(下同)升到656元,大型防寒服嘅價格突破1,000元,其中2,000元以上嘅佔比接近70%。

   

早前東北大學生穿軍褸步入課室嘅影片喺網絡廣傳,短時間獲得200萬人點讚後,軍褸就正式成為今年嘅內地潮物。

   

喺網上平台所見,呢種長及小腿嘅軍褸,幾十至百幾蚊有一件,相較動輒過千元嘅羽絨外套,軍褸絕對係「抵食夾大件」,而且著過嘅人都大讚「好抗凍、好暖和」,唯一缺點「就係有啲重」。有河南軍大衣商販仲表示,僅喺11月,七天間賣出嘅軍大衣已達到舊年一年嘅銷量。

   

就讀北京某大學嘅小張表示,佢係喺網上見到有人發佈咗穿軍褸返學嘅影片,出於好玩嘅心理先號召室友一齊買嘅。「價格比羽絨服要便宜很多,而且大家一起穿就沒那麼『打眼』(礙眼),後來有很多其他班級的同學都找我們要連結,我看到好多校友都在穿軍大衣。」

   

除咗跟風好玩外,北方嘅00後呢次追捧軍大衣同花棉衲,都係對羽絨服不斷加價嘅一種反抗,部份年輕人仲表示,唔係消費唔起羽絨服,只係「軍大衣更有性價比」。

   

呢股熱潮,彷彿同之前嘅「蹭老式」消費有異曲同工之妙。反映出消費觀念嘅轉變:作為伴隨經濟發展而長大嘅Z世代,通常被視為消費主力軍,具有強烈嘅消費熱情。然而,近年嚟,好多年輕人唔願再為衝動消費,呢班年輕人,越愈嚟愈注重性價比。呢樣嘅「反向消費」,到底係窮定係蘊含新嘅商機呢?

發佈時間: 2023年12月01日 13:39
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.