電話app騙案時有發生，早前有用優惠呃人裝App，而家就用狗肉。根據警察社交平台嘅帳號「守網者」表示，叫大家唔好下載一個叫「送達百貨」嘅毒App，免得畀人遙控操控手機，引致損失。警方至由9月今已收到至少10宗相關報案，損失超過114萬元。

呢個叫「送達百貨」嘅係一個專門攻擊Android手機嘅App，佢會盜取銀行存款。警方表示騙徒特登開社交專頁，假裝賣「香肉」（即係狗肉）嚟吸引市民。最近「玉鼎」同「掛羊頭賣香肉」兩個Facebook專頁，登刊廣告話賣狗肉，藉此呃想食狗肉嘅人。

騙徒會用WhatsApp同客人溝通，叫人下載「送達百貨」App訂貨，呢個App喺安裝時存取授權手機嘅權限，仲會有假冒嘅銀行登入頁面，誘騙顧客輸入銀行登入名稱、密碼及理財PIN碼，騙徒之後就會登入銀行，將客人嘅存款轉走。

至於唔到「送達百貨」程式嘅蘋果手機用戶，騙子會要求佢哋轉30蚊去動物保護組織嘅捐款賬戶，之後就失去聯絡。警方表示，佢哋正同漁護署追查網店賣狗肉嘅事，睇下有無涉及其他罪行。

警方又提醒市民，唔好亂點未知嘅連結下載手機程式，亦唔好授權畀程式拎一啲唔合理嘅權限。如果懷疑自己安裝咗惡意程式碼，應該將手機恢復到廠設置。市民亦都可以去「守網者」網站嘅「防騙視伏器」或手機App「防騙視伏App」輸入專頁名、網址、電話、銀行賬戶等，即時評估風險。

之於前文提過Facebook專頁話賣狗肉叫人畀手續費嘅Facebook專頁，有網民查詢過，賣家提供嘅轉賬資料，竟然係「香港流浪狗之家」嘅轉數快號碼。「香港流浪狗之家」創辦人Angela凌晨喺Facebook發文表示：「近日注意到網上惡意抹黑本機構售賣狗肉之失實謠言。並盗用了我們帳戶，我們已就此向警方報案並將事情交由警方處理。警方並非常重視這件案件。特此聲明香港流浪狗之家從未售賣狗肉或進行狗肉買賣交易。本機構強烈譴責惡意抹黑香港流浪狗之家之行為並保留採取法律行動之權利。」

關於這個Facebook專頁騙案，雖然有唔少市民去舉報個專頁，但嗰兩個專頁仍然喺度，而且專頁仲好串咁發文指「多謝關注，記得幫我分享。你地既留言同嬲嬲就係支持我繼續做落去既動力」。根據香港互動市務商會創會會長同香港資訊科技商會榮譽會長方保僑表示，市民可以投訴相關專頁，Facebook母公司Meta會視乎情況決定要唔要關閉專頁，但過程會耗時。佢又話，警方有權通知Meta，如果有專頁可能觸法，但因為專頁資料太少，好難追查創辦人。

至於毒App會要求授權手機控制，同輸入銀行賬號同密碼等，方保僑話估計呢個App嘅目的係偷取買家資料，並指「一旦你輸入咗銀行戶口同密碼，就等於俾咗人機會去轉你嘅錢。」他又建議Android用戶下載防毒軟件，表示：「其實收到賣狗肉嗰隻app嘅時候，防毒軟件已經會即時出嚟攔截，咁就唔好夾硬裝個app啦，亦都提醒大家android係要記得裝防毒軟件。」

至於被毒App呃錢嘅受騙人士，網民就唔係咁可憐佢哋，表示：「抵L死～到宜家居然仲有人食狗肉」、「見到付款頁簡體字就知咩人呃咩人」、「終蟈人只騙終蟈人」、「我開始想給個讚」、「單單騙案，衹有今次覺得受害人抵死。」至於關於轉賬戶口係「香港流浪狗之家」，有網民質疑：「條友以為自己是羅賓漢？想令食狗的人渣變成捐錢幫助狗狗？」