中日因台灣議題再度緊張之際，中國外交部長王毅23日再以強硬措辭痛批，日本現職領導人「講了不該講的話，越了不應碰的紅線」，並警告日方一意孤行、一錯再錯，所有主張正義嘅國家同人民「都有權利對日本嘅歷史罪行進行再清算」。而港府就跟隨中央戰狼外交路線，停止與日本駐港總領事館嘅官方交流。

中共中央政治局委員、外交部長王毅批評日本現職領導人竟然公開發出試圖武力介入台灣問題嘅錯誤信號，「講了不該講的話，越了不應碰的紅線」。中方必須予以堅決回擊，喺事關國家主權同領土完整嘅大是大非問題上，絕唔會有任何妥協退讓。

日本共同社報道，特區政府開始停止與日本駐港總領事館嘅官方交流。本港保安局早前呼籲計劃前往日本或已喺當地嘅港人提高警覺。報道引述消息人士指，香港嘅投資推廣署原定上周二舉辦企業交流活動，但港府要求日本領事館人員唔得出席，雙方協商後決定押後活動。另外，港府負責經濟嘅官員，原定下月上旬同日本駐港總領事三浦潤會面，都收到港府要求取消。但共同社指出，日本駐中國大使館22日仍照規畫舉辦日本書籍展覽會同和食文化交流活動。

王毅結束對中亞三國訪問後接受中國傳媒訪問時強調，日本政府喺中日四個政治文件中已就台灣問題作出鄭重承諾，具有國際法效力，冇任何模糊、曲解嘅空間。無論日本邊個黨派、邊個人執政，都必須恪守。中方敦促日方早日反思改錯，唔好執迷唔悟。如果日方一意孤行、一錯再錯，一切主張正義嘅國家同人民，都有權利對日本嘅歷史罪行進行再清算，都有責任堅決阻止日本軍國主義死灰復燃。

值得關切嘅係，針對中國駐日大使館21日發文，引用《聯合國憲章》嘅《敵國條款》，暗示中國有權可直接對日動武。日本外務省喺社群平台上發文直言，所謂《敵國條款》早喺1995聯大會議就已通過決議，確認該條款已失去效力，就連中國都投咗贊成票。面對北京步步進逼，日本《每日新聞》尋日發布22、23日全國民意調查結果顯示，即使當前日中關係惡化，日相高市早苗內閣支持率仍高達65％，同10月底上任時持平；50％受訪者認為高市嘅「台灣有事論」冇問題。

王毅喺結束對吉爾吉斯等中亞三國嘅訪問後，23日受訪時指出，中亞國家均強調堅守「一個中國原則」，喺核心利益問題上堅定相互支持，呢個係「中國─中亞命運共同體」嘅應有之義。王毅直言，日本應該喺台灣同歷史問題上遵規守矩、謹言慎行。

佢話，日本現職領導人竟然公開發出試圖武力介入台灣問題嘅錯誤信號，「講了不該講的話，越了不應碰的紅線」、「中國人民在事關國家主權和領土完整的大是大非問題上，絕不會有任何妥協退讓。」佢表示，日本政府喺「中日4個政治文件中」已就台灣問題作出承諾，具有國際法效力，冇任何模糊、曲解空間。無論日本邊個黨派、邊個人執政，都必須恪守。

王毅更強調，中方敦促日方早日反思改錯，唔好執迷唔悟。如果日方一意孤行、一錯再錯，一切主張正義嘅國家同人民，都有權利對日本嘅歷史罪行進行再清算，都有責任堅決阻止日本軍國主義死灰復燃。

中國軍事施壓都與外交強硬同步。解放軍繼喺黃海中部、南部舉行實彈射擊後，解放軍從11月23日至12月7日一連14日，又將喺渤海海峽與黃海北部指定海域執行軍事任務。火箭軍同日都推出武嚇影片，大曬多型陸基洲際彈道飛彈，包括東風-61同東風-5C。解放軍24日6時至17時，將喺山東威海劉公島東部水域進行實彈射擊。

值得一提嘅係，劉公島係清朝北洋艦隊嘅總部，甲午戰爭嘅關鍵戰役就發生喺劉公島，當時日軍全殲北洋艦隊就喺該地。解放軍揀喺該水域實彈射擊，意義頗為濃厚。