《大紀元》16日報道，杭州一名女士散步時竟然意外踩中俗稱「化骨水」嘅劇毒液體氫氟酸，不幸搶救無效離世。官方通報指涉事毒液可能係拆遷期間被翻出嘅廢棄化學品，引發輿論質疑事件背後凸顯官方喺安全管理上嚴重失職。

據杭州市餘杭區閒林街道辦事處通報，9月9日，52歲的塗某某（女）喺閒林中路附近一處空地散步期間，意外接觸到廢棄氫氟酸導致中毒，雖然立即送往醫院，但最終於9月14日凌晨經搶救後不治。

9月16日，閒林街道辦生態環境工作人員回應指，出事地點係拆遷範圍，毒液可能係拆遷工程期間翻出嚟的廢棄化學品。而餘杭區環境部門就表示，女子係不小心踩中裝有氫氟酸嘅容器，目前仲喺調查緊呢啲容器嘅來源。

根據公開資料，氫氟酸係氟化氫氣體水溶液，無色透明但氣味刺鼻，腐蝕性極強，唔單止能腐蝕金屬、玻璃及含矽的物體，甚至能侵蝕人體骨骼，因此俗稱「化骨水」。

9月14日，一名網名為「LIV元寶」嘅網友已經喺網上發文，講述事件經過。佢表示，9月9日上午9點左右，佢母親出去散步期間，不慎踩到啲化學品，隨即無法行走，緊急送院。由於傷勢過於嚴重，頭兩間醫院甚至拒收，最終轉到浙大二醫院濱江院區，證實為氫氟酸中毒。當日下午3點左右開始出現心臟衰竭同呼吸停止跡象，送入ICU後當晚更心肺功能衰竭，需要使用ECMO進行急救，搶救6日後仍不幸去世。「LIV元寶」指出：「（氫氟酸）一個巴掌大小的接觸面積就足以致死，而我媽（接觸面積）是五倍以上。」

內地媒體報道指，涉事嘅杭州餘杭區閒林街道拆遷區後山空地係拆遷後遺留嘅區域，警方後續喺同一地點又發現另外兩壺同樣的氫氟酸。據悉，該處空地長期以嚟未有封閉管理，附近居民經常喺嗰度散步同種菜，但竟然從來無設置過任何危險警示牌。

對於官方通報，網友質疑，「氫氟酸作為劇毒液體，本應有嚴格的處置流程，卻出現在開放的公共區域，公共安全的漏洞大得驚人，我們不禁要問，城市建設和管理中，公共安全的底線究竟在哪裡？」、「餘杭這個地方有點可怕啊，自來水污染還過去沒多久」、「真是飛來橫禍」、「氫氟酸劇毒，且處於管制。危險廢棄物，怎麼會出現在普通人可接觸區域。杭州的通報應更為清晰，對責任方、責任人的調查，要交代清楚」、「這種沒頭沒尾的公告」。