美軍印太司令部司令帕帕羅（Samuel Paparo）上將日前喺亞利桑那州塞多納論壇（Sedona Forum）發表演說時表示，雖然美國現今仍有把握喺台海衝突中「取勝」，但中國解放軍嘅造艦速度同武器產量已對美軍長期優勢構成「前所未見嘅威脅」。

帕帕羅指出，美軍喺海戰、太空同反太空能力上依舊佔上風但係，「如果北京以而家嘅節奏建造潛艦同水面艦，十年後產量差距就會達數倍，美國唔可能靠質量優勢完全抵銷數量上嘅劣勢」呢個警號，令在坐嘅政、商領袖都表現沉重。

佢又提到，解放軍近期高頻度環台軍演並唔係單純嘅示威，而係對「奪島、封鎖、分割」等多種作戰場景進行嘅全流程演練，而且已經將行動範圍向西太平洋同澳洲外圍延伸，「對我地嘅澳洲盟友帶嚟明顯嘅警示」。

帕帕羅重申，美方評估習近平已要求解放軍「喺2027年前具備攻台嘅能力」，而中國軍工體系而家正「按戰時規模」擴產。若美國決策、社會同盟邦支援不足，美軍嘅取勝把握將隨時間下滑。

對於美方嘅警告，台灣國防部長顧立雄指出，相關評估突顯左台海和平已成「印太核心利益」，台軍將持續推動「以海制陸、重層阻絕」意指先在外海就把陸軍打殘，即使陸軍成功登岸，亦因損耗過大、補給斷裂而無法建立灘頭堡。同加強水下數據纜線防護，務求把台海變成令解放軍「付出極高代價嘅地獄」。

蘭德公司（Rand Corporation）防務專家葛羅斯曼（Derek Grossman）表示，菲律賓等第一島鏈國家已把台海列為自身防禦戰略一環，如果北京採取武力行動，勢將波及區內多國，迫使各方被動介入。

軍事觀察家指出，冷戰時期美軍曾依靠造艦能力壓倒蘇聯，如今角色互換，如果美國無法喺國會預算、產業鏈嘅擴展性同社會動員上取得突破，即使技術先進，都很難保持長期消耗戰嘅優勢。

帕帕羅最後提醒，「勝利從非命中註定」，須結合國內跨黨共識、盟友協同同產業動員，先能維持嚇阻，「確保台海不戰，先係真正勝利」。