美國多個城市於勞動節當日爆發大規模示威，數以萬計民眾走上街頭，針對特朗普政府一系列政策而提出抗議，重申對移民權益、司法獨立同 公共資源投放的關注。今次行動屬於「50501運動」一部分，橫跨全美50個州，涉及超過1,000個社區，被認為是歷來規模最大之一的五一勞動節抗議行動。

抗議活動由超過200個工會、社會團體、法律界人士及移民權益組織協同發起。從紐約、華盛頓、芝加哥到費城，都有民眾舉牌高呼「捍衛法治」、「停止驅逐」、「我們是勞工，不是罪犯」，場面雖熱烈，但整體和平有序。

數百名律師係紐約，穿上法袍參加「全國法律行動日」（National Law Day of Action），呼籲捍衛司法獨立同憲政原則。前美國司法部助理部長格森（Stuart Gerson）在現場發言時指出：「這唔係黨派鬥爭，而係為咗國家價值而行動。司法體系應超然於政治之外。」

華盛頓集會其間，一名女子公開分享其丈夫 Kilmar Abrego Garcia 被錯誤驅逐到薩爾瓦多、並遭拘禁的個案，成為當日移民議題抗議的象徵事件之一。佢指出：「佢根本無犯罪，只係系統出錯，結果就係全家分離。」

除咗移民議題，抗議者亦聚焦於公共開支同社會資源分配問題。佢地批評特朗普政府削減社會福利，增加軍事預算，並質疑醫療、教育及住房資源長期不足。無黨派獨立參議員桑達斯（Bernie Sanders）喺費城集會上表示：「政府唔應該將納稅人資源傾斜畀億萬富豪，而係要照顧普通家庭嘅需要。」

民主黨眾議員科爾特斯（Alexandria Ocasio-Cortez）亦喺紐約表示關注特朗普政府擬削減醫療補助計劃撥款：「我哋睇到既係一場對底層階層既攻擊，而唔係改革。」

另外有示威者由芝加哥聯合公園（Union Park）遊行至格蘭特公園（Grant Park），隊伍綿延數公里。集會以和平方式進行，未有出現大規模衝突。警方表示尊重言論自由，會繼續保障集會安全。

美國「50501運動」自2025年初成立以來，目標係喺全國每個州建立同步抗議網絡，針對特朗普政府政策發出一致訊號。運動組織者之一、前移民律師拉米雷斯（Sonia Ramirez）指出：「我哋唔係要製造混亂，而係透過合法途徑表達社會不滿，守住美國民主精神。」

今次行動反映出美國社會內部對特朗普政府施政的深層次分歧。從法律界到基層勞工，從城市居民到鄉郊移民，訴求各異但一致反對政策傾向集中權力，並促請恢復制度運作嘅透明度與公平性。

雖然白宮方面仲未正面回應今次嘅遊行，但特朗普早前喺社交平台發文重申佢嘅移民政策「係為保障國家安全」，並形容「左翼煽動行動對國家毫無建設性貢獻」。

根據美國民意研究機構皮尤研究中心4月底最新調查顯示，超過六成受訪者支持保護非法移民家庭免遭驅逐，超過七成表示希望政府增加對公共醫療與教育的投資，反映抗議訴求有一定民意支持基礎。