網媒《法庭線》報道，壹傳媒創辦人黎智英面對「串謀勾結外國勢力」等罪名指控，案件周三（19日）喺西九龍裁判法院繼續審訊，黎智英第43日作供。黎智英作供指，所謂嘅「愛國教育」根本就係洗腦，喺將「僕人置於主人之上，顛倒真理」。

案件其中一個焦點係黎於2020年1月5日所寫嘅專欄文章《2020和勇繼續一起撐下去》，黎喺文章中提到佢同民主黨創黨主席李柱銘、前主席何俊仁一齊參加新年遊行，並指有少女高喊「黑警死全家」、「香港差佬，X 你老母」。黎智英當時話：「有咁樣嘅後生仔，我哋冇得輸。」黎事後表示後悔當時嘅言論，形容自己嘅言論「品味低俗」同「冒犯」。

控方再問，黎智英係咪同意「光時」口號，黎智英回應話當時冇諗到呢個問題，亦指呢個口號經常出現喺示威場面。控方質疑，黎智英喺元旦遊行四日後仲提到呢個口號，似乎佢仲記得呢個口號，黎智英唔同意，話自己當時冇諗過呢個口號係咪正確。法官杜麗冰追問，黎喺文章中寫咗口號，是否代表佢有印象深刻？黎重申，呢啲係常用口號，當時冇諗過係唔係正確。

控方指出，黎智英喺文章中提到「有這樣疾惡如仇的優秀勇敢年輕人，香港真是塊福地」，問黎是否指「對邪惡的仇恨」？黎智英回應話，係代表年輕人對邪惡嘅厭惡。控方追問，咁「邪惡」係指邊啲人？黎話，係指啲示威嘅對象。法官杜麗冰再問，係唔係指警察？黎話可能係，但當時唔單止反對警察，仲反對自由被侵犯，覺得呢種侵犯係邪惡。

黎智英嘅文章仲提到，「這場逆權運動正促使中共加強對學生換頭洗腦，教育局長楊潤雄已對教育界文革式施壓」，黎承認，「換頭」係佢自己用嘅字眼，雖然係引述當時嘅教育局長楊潤雄。

控方質疑，黎嘅指控有咩根據。黎話，當時香港開始進行所謂嘅「愛國」教育，認為「愛國教育」係一個洗腦過程。黎智英繼續話，如果愛國係自願嘅，係高尚嘅，但如果係強制嘅話，就係錯嘅，係顛倒咗真理。

法官李運騰再引述黎智英文中提到「中共的換頭洗腦教育，灌輸的是階級鬥爭的仇恨和邪惡」，問黎智英是否指中共透過教育局係香港製造「階級鬥爭的仇恨和邪惡」？黎話，呢個係根據佢自己喺中國嘅經驗嚟嘅預測，並補充話，呢啲係佢喺1960年代嘅經歷，係想提醒讀者可能會發生嘅事。

控方指，黎透過文章煽動對中央同香港政府嘅仇恨，想改變香港法律，並煽動暴力同不守法行為。黎智英完全唔同意，亦唔承認喺2019至2020年間冇譴責暴力，控方問佢係咪想反政府運動繼續，黎智英亦唔同意。控方再問，黎係咪因為唔想失去國際支持，所以希望控制暴力，黎智英亦唔承認。

控方亦指出，黎喺文中提到過爭取特赦示威者，並質疑佢冇譴責暴力行為。黎智英反駁話，佢係有提到過有黑衣人「裝修」滙豐銀行，懷疑唔係真正嘅示威者，亦可以視為間接譴責暴力。

控方最後認為，黎透過文章煽動暴力、對中央政府同港府表達仇恨，黎智英則一概唔同意。案件會喺周四（20日）繼續審理。《I》