美國白宮喺美東時間1月15日宣布，總統拜登喺卸任前夕，決定延長同擴大部分香港居民參與「延遲強制離境」（Deferred Enforced Departure，簡稱DED）計劃嘅資格。此舉讓符合條件嘅香港人在簽證到期後仍可合法留喺美國，繼續生活、工作同旅遊。消息指出，拜登政府此舉係為咗幫助因逃離中國政權打壓而抵達美國嘅港人。
延長DED計劃兩年 符合資格港人受惠
根據白宮發出畀國務卿同國土安全部長嘅備忘錄，原定2025年2月5日屆滿嘅DED計劃，將延長多兩年，即至2027年2月5日。備忘錄表示，中國喺2020年6月強行實施《香港國安法》，持續侵蝕香港人嘅基本權利同自由。美國希望通過此政策，為被剝奪自由嘅港人提供安全避風港，同時鞏固美國喺亞太地區嘅利益。
DED係美國為應對特殊情況，例如政治衝突或人權危機而設嘅臨時法律保護措施。符合資格嘅港人將獲得以下權利：
備忘錄亦指示國土安全部長採取行動，保障被延期驅逐港人嘅就業權利，包括延長工作許可至2027年2月5日。同時考慮暫停對部分持F-1學生簽證港人嘅監管要求，並在適當情況下簽發相關文件。
白宮重申對港人嘅支持與承諾
拜登喺備忘錄中強調，美國致力推動將民主價值觀融入外交政策，以捍衛民主同促進全球人權為核心。佢指出，為受到《中華人民共和國香港特別行政區維護國家安全法》打壓嘅港人提供庇護，符合美國嘅外交政策利益。拜登亦提到，自2020年國安法實施以嚟，至少200名政界同社運人士因政治指控被捕，45名民主倡導者去年更被判監。
拜登強調，美國提供DED延期係基於外交政策考慮，並反映出對香港人民自由同權利嘅堅定支持。
如何申請DED？
DED屬自動適用資格，無需港人主動申請。
符合資格嘅條件包括：
合資格人士可以申請：
如DED計劃到期但未獲延續，受惠者將恢復計劃前嘅移民身份。未持合法身份者可能會成為非法移民，面臨被驅逐風險。但合資格者仍可申請庇護、綠卡或其他保護身份。《I》
