台灣《中央社》引述多間美國媒體報導，美國司法部特別檢察官傑克·史密斯（Jack Smith）據報將喺特朗普（Donald Trump）就職前解散其團隊，並辭去職務。史密斯舊年針對特朗普涉嫌意圖推翻2020年總統選舉結果同不當處理機密文件一案提出起訴，而近日特朗普幕僚公開揚言，認為史密斯應該入獄。

《華盛頓郵報》專欄作家馬卡斯（Ruth Marcus）撰文，指特朗普贏得美國總統大選後，史密斯正處理案件最後階段，特朗普團隊嘅報復行動亦越來越激烈。特朗普上任後，史密斯有機會成為頭號被解僱嘅對象。

舊年6月，史密斯針對特朗普涉嫌於2021年卸任後將大量機密文件帶返去其佛羅里達州莊園嘅案件提出起訴。隨後喺8月，針對特朗普競選失敗後涉及2021年國會山莊暴動、企圖干預選舉結果嘅事件，史密斯再度提出起訴。

其中，佛州一名法官喺7月裁定機密文件案程序不合法，駁回相關指控。而關於選舉干預案，特朗普律師引用豁免權抗辯，最終喺7月被最高法院裁決總統行使公務有豁免權，並將案件發回下級法院進一步審查豁免權適用範圍。

特朗普喺競選期間放話，稱若勝選將喺「2秒內」開除史密斯。特朗普嘅社交媒體支持者、X（前身為Twitter）持有者馬斯克（Elon Musk）亦發文批評史密斯濫用司法系統，認為佢應受到法律制裁。

據《華盛頓郵報》報導，特朗普法律顧問戴維斯（Mike Davis）明言，國會司法委員會應對史密斯進行調查，並指控史密斯涉嫌參與針對特朗普嘅犯罪陰謀，應入獄服刑。

史密斯已於日前向審理選舉干預案嘅法官楚坎（Tanya Chutkan）請求撤銷部分審理期限，獲准於12月2日前提交此案嘅處理報告。

據《紐約時報》報導，史密斯嘅團隊可能喺特朗普就職前完成所有調查工作並離職。最高法院對豁免權作出裁定後，史密斯於10月提出新證據，並提出新嘅起訴書，指控特朗普嘅行為喺競選人身份下發生，唔應享有豁免權保護。

《紐時》指出，由於司法部一般唔會起訴現任總統，加上最高法院對豁免權嘅裁定，史密斯最後可選擇公開調查報告。史密斯已向部分團隊檢察官同FBI幹員透露，佢哋可以準備收拾文件離開。

NBC報導，若史密斯趕喺政權交接前完成報告，現任司法部或會選擇公開報告。但一旦特朗普新內閣上任後，可能會選擇將報告封存唔公開。《I》