據南華早報今（11日）報導，北京派遣中國國家主權財富基金高層祁斌來港，出任中聯辦副主任。據悉，派出祁斌係咗強化香港同內地嘅金融合作，進一步鞏固香港作為國際金融中心嘅地位。

報導指出，祁斌現任中國投資有限責任公司副總經理，並將於本週來港履新，擔任中聯辦副主任。祁斌未來將專注處理經濟事務，成為內地與香港之間經濟同金融合作嘅重要橋樑。

消息人士稱，祁斌加入中投公司之前，喺中國證監會工作長達16年，同時亦曾在華爾街工作，北京今次派出「最優秀金融人才」來港，反映中央鞏固本港國際金融中心地位嘅決心。

根據公開資料，中國投資有限責任公司（簡稱中投）係中國國務院轄下嘅大型國有投資公司，於2007年9月成立，資金來源主要來自中國國家外匯儲備，中投公司喺全球主權財富基金中佔有重要地位。

祁斌畢業於北京清華大學物理系，之後取得美國羅切斯特大學生物物理學碩士、芝加哥大學商學院MBA，以及清華大學數量經濟學博士學位。佢自2000年起於中國證監會任職，積累咗16年監管工作經驗，來港之前係中投公司黨委委員同副總經理。

目前，香港中聯辦主任係鄭雁雄，其他副主任包括劉光源、羅永綱、何靖同尹宗華。原任副主任盧新寧已於8月被免職。

自從香港回歸以嚟，中央駐港聯絡辦公室，即香港中聯辦（同中共中央香港工作委員會係「一套人馬，兩塊招牌」），一直以各種形式干預香港嘅內部事務，無論係唔同層級嘅選舉，抑或係立法會議員嘅內部運作同投票意向等，都能見到中聯辦嘅影響力。

根據《香港基本法》第22條規定，「中央人民政府所屬各部門、各省、自治區、直轄市均不得干預香港特別行政區根據本法自行管理的事務」。不過，中聯辦喺2020年4月曾公開表示自己唔受《基本法》第22條嘅約束，引起唔少關注。

雖然中聯辦咁講，但佢哋嘅解釋同香港特區政府向立法會提交嘅文件內容有所出入，亦同部分法律學者嘅見解唔一致。當時，有唔少法律界人士質疑中聯辦嘅說法，認為《基本法》原意係保障香港自治，避免外來干預，尤其係來自中央嘅壓力。《I》