伊朗喺當地時間10月1日晚上發射咗大約200枚彈道導彈襲擊以色列，報復以軍早前接連狙殺哈馬斯同真主黨高層。唔少中國「小粉紅」對此拍手叫好，甚至有唔少中國網民向伊朗大使館抖音帳號發送紅包，話要伊朗將佢捐贈嘅100蚊「以導彈形式發射到以色列本土」。

自從1979年伊朗推翻國王，成為伊斯蘭共和國後，德黑蘭一直堅持要摧毀佢哋所稱嘅「猶太復國主義政權」——即係以色列。以色列一直指控伊朗革命衛隊喺中東各地，透過盟友同代理人散播暴力。唔少阿拉伯國家政府亦持有類似嘅觀點。

喺10月1號，伊朗向以色列發射咗180枚彈道導彈，其中有部分擊穿咗以色列嘅防空系統，令以色列受到嚴重威脅。呢場攻擊令以色列大為震怒，已經著手準備進行報復行動。

據悉，伊朗發射導彈係為咗報復兩次針對佢盟友領袖嘅暗殺行動。黎巴嫩真主黨領袖納斯魯拉（Hassan Nasrallah）喺貝魯特遇刺，而哈馬斯嘅領袖哈尼耶（Ismail Haniyeh）亦喺德黑蘭遇襲身亡。呢兩次刺殺事件令伊朗大動肝火，決定向以色列展開報復。

不過唔少中國網民就顯然企喺以色列嘅對立面。據X平台帳號「李老師不是你老師」喺10月6日發布帖文，指有唔少中國網民湧向伊朗駐華大使館喺抖音嘅官方帳號發送紅包，表達對伊朗嘅支持。有網民喺紅包嘅備註欄上寫住：「幫忙將這一百塊以飛彈的形式發射到以色列本土」，仲有人寫：「能力有限，把這點買導彈射到以色列」，而伊朗駐華大使館竟然真係接受咗呢啲紅包，冇作任何拒絕。

近日，不少中国网民给伊朗驻华大使馆抖音账号发红包，支援伊朗。红包备注上写着“帮忙将这一百块钱以导弹的形式发射到以色列本土”并且伊朗驻华大使馆还接受了网友发送的红包。 pic.twitter.com/YGx8Q3bNfQ

— 李老师不是你老师 (@whyyoutouzhele) October 6, 2024

值得留意嘅係，中國網絡媒體「網易」喺昨（6日）亦以標題「中國網友給伊朗駐華大使館抖音帳號發紅包」為標題報道此事。不過到今日本台記者再次查看此篇報道時，頁面已經被刪除，顯示為「404網頁跑丟了」。《I》