中一派位昨日（9日）放榜，油蔴地天主教小學（海泓道）三位小六男生接受訪問嘅片段被瘋傳，其中一位同學陳愷昊表示「辛苦談不上」、「讀書係我本分」，背後兩位同學即時「O咀」及露出驚訝表情，引發熱議。

今年有89%學生獲派首三志願，傳媒到油蔴地天主教小學訪問三位學生，當中獲派華仁書院嘅陳愷昊同學同其他兩位同學嘅反應令片段迅速爆紅。

從片段中可見，陳愷昊表示：「自己平時成績係低一個grade嘅，我入到呢間中學對我嚟講係好意外、驚喜……」講得正起勁時，後面兩位同學互打眼色，左邊冇戴眼鏡嘅江毓軒同學露出錯愕樣，之後更做出一系列搞笑反應，而右邊戴眼鏡嘅許家傑同學則露出一個「迷之微笑」。

陳愷昊又表示：「報咗補習班，由星期一到星期五，一放學就馬上去。」此時，畫面左邊嘅江同學即時「O咀」及一臉驚訝，右邊嘅許家傑同學笑容更加明顯，並互相打眼色。陳愷昊續指：「如果話辛苦覺得談不上，因為我覺得讀書係我嘅本份。」江毓軒同學再次「O咀」。

該校校長陳淑儀今早喺商台節目表示，很詫異訪問片段被炒作，又指校方並無在同學受訪期間干擾其回答內容。佢解釋，該同學表達如受過訓練，係因今日嘅教育及社會要求與過去不同，「我當年六年級，跟佢哋現在嘅六年級差很遠。」例如課堂會訓練同學說故事、匯報嘅表達能力。

陳淑儀表示，很欣賞受訪中表示「辛苦談不上」、「讀書係我本分」嘅陳同學，因為佢喺短期內由未達到band 1成績水平，到發奮圖強爭取佳績。至於在其左右嘅同學，佢哋嘅表現亦很可愛。

陳校長又表示，起初擔心同學會因網上個別言論影響心情，但今早向三名同學了解後，佢哋表示未受影響。陳校長指有個別人士言論令其中一位同學嘅家長感到忿忿不平，不過身邊嘅同行、老師、朋友均認為三位同學很可愛。

藝人麥美恩（Mayanne）亦喺社交平台發文表示：「到出嚟做野，差唔多㗎咋，唔駛驚訝啊，小朋友好得意」，似有感而發。《I》