歐盟駐中大使:中國暗助俄侵烏  歐洲越來越不滿
歐盟駐中大使:中國暗助俄侵烏 歐洲越來越不滿

《南華早報》報道,歐盟駐華大使托萊多(Jorge Toledo)喺北京清華大學舉行嘅世界和平論壇上表示,自疫情爆發以嚟,中國同歐盟之間嘅人文交流一直未恢復,甚至比疫情前嘅水平差好遠。佢嘅言論同美國駐華大使伯恩斯(Nicholas Burns)早前所講嘅觀點一致。

 

中西人文交流受阻

 

伯恩斯喺上個月指,北京當局令中美兩國人民之間嘅交流變得「無法進行」,包括阻止中國公民參加美國政府嘅活動。自去年11月以嚟,中國官員干擾咗美國駐北京大使館組織嘅61場公共活動。

 

托萊多亦表示,歐盟駐華外交機關嘅經歷相似,「我哋原以為,一旦取消疫情限制,就能再次自由地同中國教授、中國學生同中國智庫會面。然而事實唔係咁簡單。他們都需要獲得授權才能見我哋,有時等唔到呢個授權。」

 

歐中關係緊張

 

近幾個月來,歐盟同中國之間嘅緊張關係不斷加劇,尤其係歐盟決定對中國電動汽車徵收關稅,並對北京喺俄羅斯入侵烏克蘭問題上嘅矛盾反應越來越唔滿。

 

托萊多表示,歐盟同中國嘅關係變得更加緊張,「我唔會話雙方關係有所改善」。佢為歐盟決定對中國電動汽車徵收高達38%嘅懲罰性關稅進行辯護,稱呢個措施「基於事實」且「完全合理」。此舉係由於中國嘅綠色產業同高科技產業喺巨額國家補貼支持下,產能過剩同價格下降造成嘅「市場扭曲」。

 

俄烏戰爭影響

 

托萊多亦對中國缺席上個月由瑞士組織嘅烏克蘭和平峰會提出質疑。佢指,即使呢個峰會涉及對中國至關重要嘅問題,包括人道同糧食安全問題,但北京依舊選擇唔參加此次峰會,對中國缺席表示「非常令人失望」,並強調烏克蘭戰爭關乎到歐洲嘅「生存」問題。

 

托萊多補充道,「俄羅斯喺烏克蘭嘅侵略對中國形象造成咗巨大損害」,中國冇參加日內瓦會議嘅事實造成咗更大嘅損害。佢話:「當我哋眺望大西洋彼岸時,可以見到我哋嘅盟友美國正伸出援手。但當我哋向東望,即係中國,我哋見到嘅係一個唔幫忙嘅中國。」

 

比利時駐華大使安格萊(Bruno Angelet)亦表示,俄烏戰爭仍然係歐洲嘅優先事項,同時質疑中國所謂保持「中立」嘅做法。安格萊指,中國聲稱長期堅持「和平共處五項原則」,包括相互尊重主權同領土完整,「當呢啲關鍵原則遭到違反時,你點樣可以話自己係中立?」《I》

發佈時間: 2024年07月08日 15:12
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.