羅馬天主教教宗方濟各接受瑞士廣播電視台RSI嘅採訪時，就俄烏戰爭表示，烏克蘭應該有勇氣「舉起白旗」，同俄羅斯就止戰進行談判。
方濟各表示：「談判唔係一件令人羞愧嘅事。審時度勢、考慮到民眾、有勇氣舉起白旗談判嘅一方，先係強大嘅一方。」佢又話：「談判從來都唔只係投降，而係一種避免把國家引向自我毀滅嘅勇氣。」
不過，烏克蘭人對於「舉白旗」嘅理解有所不同。前內政部副部長赫拉申科（Anton Heraschtschenko）喺X平台發文指，教宗呼籲「舉白旗」實在令人感到奇怪，因為呢個舉動無助於保衛烏克蘭同譴責俄羅斯侵略者。前烏克蘭駐奧地利大使舍爾巴（Olexander Scherba）亦批評教宗係一個「背信棄義嘅人」。
烏克蘭外交部長庫列巴（Dmytro Kuleba）喺社群平台Ｘ上表示：「我哋嘅國旗係黃藍相間嘅。呢個係我哋賴以生存、死亡同勝利嘅旗幟。我哋永遠唔會升起任何其他旗幟。」佢又話：「最強嘅係善同惡嘅鬥爭中，企喺善嘅一邊，而唔係試圖將兩者放喺同一立場上並稱呢個為『談判』嘅人。」
烏克蘭希臘禮天主教會大總主教舍夫丘克亦喺周日發表聲明，強調烏克蘭人永遠唔會投降，即使烏克蘭受傷，但絕不會被征服。
德國外交部長貝爾伯克接受德媒ARD訪問時表示，佢對方濟各嘅說法感到好奇，同時呼籲世界必須同烏克蘭人民站在一起，全力幫助佢哋保衛自己。
波蘭外長西柯爾斯基亦係X平台上發文，要求方濟各同步呼籲普丁從烏克蘭撤軍，因為咁樣和平將會立即到來，唔需要談判。
拉脫維亞總統林克維奇斯（Edgars Rinkevics）評論此事時強調，人不能向邪惡投降！佢喺X平台發文話，「我週日早上看感想：面對邪惡不能投降，必須與之鬥爭、打敗佢，讓邪惡舉白旗投降。」
梵蒂岡嘗試解畫平息事態。方濟各嘅發言人布魯尼（Matteo Bruni）表明教宗喺訪談中唔係建議烏克蘭投降，而係希望「呼籲停火，激勵談判嘅勇氣」。佢又話，「白旗」呢個詞唔係教宗主動用嘅，而係引用左採訪記者提問對話中嘅用詞，佢形容呢個詞「意味住停止敵對行動，並透過勇氣談判達成停火。唔係投降」。
土耳其總統艾爾多安喺上周五（3月8日）同到訪嘅烏克蘭總統澤連斯基會談後表示，應該以談判同和平嘅方式結束，土耳其已經準備好主辦一場烏克蘭同俄羅斯都會參加嘅和平峰會。
另外，中國同瑞士就共同邀請俄羅斯參與瑞士主辦嘅和談，目的係為咗結束呢場俄烏戰爭。消息透露，中瑞兩國對於促進和平嘅態度都係非常實際，不過由於俄、烏難以接受彼此嘅條件，大家普遍認為呢個計劃好難成功。
據香港《南華早報》8日獨家報道，瑞士政府根據烏克蘭嘅請求，今年1月同意舉辦一次邀請世界各國領袖出席嘅和平峰會，雖然媒體最初報導時指莫斯科並未受邀，但具體日期尚未確定。
呢次峰會嘅籌備工作主要係以數十國嘅國家安全顧問為基礎，佢地近期參加咗喺好多不同地點召開嘅一系列會議，而中國只參加左其中一場。當時澤連斯基表示：「我哋歡迎尊重烏克蘭主權同領土完整嘅世界各國（代表參與），咁樣就可以斷定我哋邀請嘅對象。」
《南華早報》指，中瑞兩國都認為，烏方呢種做法絕對唔係終止呢場戰爭嘅實際可行之道。但來自歐盟同歐盟會員國嘅消息來源就認為談判唔會成功，並且話雖然和談終將由烏克蘭主導，但俄烏任何一方都好難接受對方嘅條件而坐下來傾。
某個中歐國家嘅代表指出，歡迎俄羅斯參與磋商，「但首先得從烏克蘭撤軍」。一名法國外交官表示，所有事情都係因為俄羅斯嘅武力行動，而家一切都係由俄國引起，佢質疑莫斯科若出席或者與會，佢地好可能會頤指氣使，令和平會談未開始就結束。
另外歐洲議會即將於6月改選，法國官員話，若喺選前召開和平峰會，包括法國等國將會施壓，以免造成對俄國讓步嘅印象。據了解會議情況嘅官員透露，李輝亦都同歐盟官員討論點樣令會議「更具包容性」。北京已表明有興趣參與，雖然打算以什麼身分出席仲未定，但中國傾向於俄羅斯坐上談判桌。
《南華早報》認為，由於北京嘅參與係吸引其他國家參與會議嘅關鍵，中瑞兩國相信，就受邀參與嘅國家而論，受邀對象越廣泛，峰會嘅成效就會更加突出。《I》
