美國陸軍士官舒爾茲（Korbein Schultz）喺肯塔基州坎貝爾堡被捕，佢被指向來自中國嘅匿名聯絡人，發送洩漏數十份軍方機密資訊，包括超高音速設備、美國軍事力量未來發展研究，以及有關對中國軍事準備等內部資訊等，從而獲得42000美元。

呢單犯罪據悉始於2022年6月，並持續至舒爾茲被捕為止。舒爾茲被控密謀獲取同洩漏國防機密、未經許可出口與國防物品相關嘅技術數據、謀劃未經許可出口國防物品，以及賄賂公職人員等罪名，擔任陸軍士官嘅佢，將機密文件提供給一名被認為居住喺香港嘅聯繫人。

根據起訴書，舒茲擁有最高機密安全許可，自2022年6月以來就同一個叫做「共謀者A」嘅人串通，計劃披露各式各樣嘅文件、相片同其他國防資料。起訴書話，舒茲唔單止因為有安全許可，仲因為佢嘅任務係收集敏感美國軍事資訊，所以被網羅。

舒茲向「共謀者A」提供嘅資訊包括高機動性多管火箭系統（HIMARS）、極音速裝置、美軍未來發展研究，以及中國等大國嘅軍事演習同行動研究。起訴書指出，舒茲最初被要求提供文件，詳細講解從俄烏戰爭中學到嘅教訓，以及美國如果幫助台灣應對攻擊時可以點樣應用呢啲教訓。舒茲洩露呢啲資訊嘅報酬係200美元，令「共謀者A」要求建立「長期合作夥伴關係」。

起訴書描述「共謀者A」係一個自稱喺香港居住嘅外籍人士，佢後來講，如果舒茲提供「僅供內部」嘅資料而唔係非機密文件，就可以得到更多報酬。舒茲至少收到14次支付，總共4萬2000美元。

呢件係一連串針對現任或前任軍事成員非法披露敏感政府機密嘅聯邦起訴中最新一件。例如，2023年4月，麻州空軍國民兵（Massachusetts Air National Guard）成員泰謝拉（Jack Teixeira）係社交媒體平台Discord洩露有關俄烏戰爭嘅高度機密軍事文件而被起訴，佢同檢方達成協議，認罪同求處至少11年徒刑。

美國傳媒去年四月頭揭發咗西方支持烏克蘭反擊嘅秘密計劃外泄，之後發現泄漏唔止影響俄烏戰爭，仲扯埋中東、印太等好多同美國國安相關嘅範疇，整件事被視為近年最嚴重嘅美國安全漏洞。

美國當局喺同年四月，喺麻州一間屋宇拘捕一位21歲嘅年青人，佢就係2019年9月入伍嘅美國空軍上等兵泰謝拉（Jack Teixeira）。佢被控指佢係喺社交媒體平台Discord入面一個群組裏面向其他人展示機密文件。

泰謝拉係喺私聊群組入面揭露機密文件。雖然美國司法部拘捕佢之後，並冇交代佢可能嘅犯案動機，但據群組內啲人表示，泰謝拉嘅動機係為咗炫耀自己嘅技術，而唔係出於意識形態。

泰謝拉以前係麻州空軍國民兵嘅低階IT專員，佢被控策劃咗喺過去十年裏面，最具破壞性嘅美國機密文件泄密事件，其中啲涉及到俄烏戰爭。如果泰謝拉被控依據「間諜法」起訴，佢可能面臨終身監禁。

佢喺聯邦法院出庭嘅時候，承認咗6項故意洩露國防情報嘅罪名。根據認罪協議，佢最高可能被判16年8個月監禁，加埋五萬美元罰款，仲要幫助情報官員明白泄密嘅程度同埋影響，換取檢控方撤銷罪行更嚴重嘅間諜指控。

審判長問佢有冇對任何證據提出異議，泰謝拉答「冇」；當問佢知唔知啲文件係機密嗰陣，佢回答「係嘅，法官大人」。泰謝拉被指控將呢啲文件發佈喺社交媒體Discord嘅私人聊天群組度，之後啲文件就出現喺其他網站上，包括Twitter、4Chan同Telegram。

近期美軍被洩密嘅事件仲有好多件。例如喺去年8月，兩名美國海軍士兵涉嫌提供敏感軍事資訊比中國，包括戰時演習、海軍行動同關鍵技術資料。而家，美國司法部又宣布起訴一名文職空軍僱員同一名退役陸軍中校，指佢哋喺外國交友網站分享烏克蘭戰爭嘅機密資訊。《I》