1月1號晚上，正喺阿聯酋阿布扎比準備卡塔爾亞洲杯嘅中國男足同香港隊進行咗一場國際足聯A級嘅熱身賽，不過最後以1:2輸咗畀香港，仲有3個球員被紅牌罰出場。呢場比賽係國足為咗準備亞洲杯之前嘅第二場熱身賽，之前佢哋已經0:2輸咗畀阿曼隊。

比賽開始嘅第9分鐘，國足嘅譚龍喺門線上補射打入一球，領先1:0。但係下半場情況突然轉變，國足嘅王上源喺第51分鐘拎到紅牌被罰出場，之後香港隊嘅潘沛軒短時間之內連續攻入兩球，令國足以1:2落後。國足喺落後嘅情況下急於將比分扳平，最終以1:2輸畀香港隊。

除咗輸波，國足兩名球員王上源、吳少聰同助教佩洛維奇領紅，據消息指兩名球員領紅係因為以言語辱罵球證同危險動作踢向港隊前鋒史提芬彭利拿嘅頭部。

呢場比賽雙方都有保密嘅需要，所以比賽全程封閉進行。今次係國足繼38年前再一次輸畀香港隊，上一次係1985年5月19號。香港隊喺世界排名第150，而中國隊喺世界排名第79。

《北京青年報》引述消息解畫指，遭遇熱身賽兩連敗後，國足全隊情緒比較低落。一位隊內人士賽後評價話：「不是球員不努力沒有進取心，但踢得確實很不好，球員情緒出了問題。也的確沒有必要和球證較勁。」

內地體育博主「李明體育」亦發文指，從前線記者中得到資料，國足球員由於近期訓練量很大，身體不在狀態，「這場紅牌大多都是體能不行導致的動作晚一拍」，又指國足「到時候會隨比賽臨近調整」，「亞洲盃首戰對塔吉克能和波就不錯了」云云。

消息一出引起內地球迷嘩然，「國足VS中國香港」登上微博熱門搜尋，一眾網民狠批：「1比2輸了還吃了3張紅牌，趕緊訂機票回來吧，別在外面丟人現眼了」、「不直播的比賽都是有原因的，不出意外就出了意外」、「惡心，省隊都幹不過」、「趕緊解散吧，真丟人」、「怎麼著也不能接受輸香港」、「上場輸阿曼，賴體能，這場連香港都輸，繼續賴體能，輸的兩個隊人家平時不練體能的？」、「這算是給大家的新年禮物呢？春節輸越南，元旦輸香港，接下來可能要輸給澳門了」等等。《I》