貴陽年輕女著和服被大媽圍剿「妳漢奸」要求當眾脫衣 遭反嗆「你脫我就脫」兩人一起當街脫衣!
貴陽年輕女著和服被大媽圍剿「妳漢奸」要求當眾脫衣 遭反嗆「你脫我就脫」兩人一起當街脫衣!

喺貴州貴陽,一名年輕女子25號身穿和服出現喺熱鬧嘅小吃街,即刻吸引到圍觀群眾嘅注意。隨即一名大媽上前強烈要求該名女子脫掉和服。喺網友上傳嘅影片中,可以見到大媽情緒激動,用激烈嘅語言指住穿和服嘅女子怒斥,話「老子是中國的老百姓,妳狗日的漢奸」,周圍嘅群眾都附和大媽嘅話。最後,女生脫掉咗和服,大媽甚至將自己嘅外褲都脫咗。

    

影片顯示,一名年輕女生身穿和服,同一名白衣大媽就著和服係咪妥當嘅問題爭論不休。年輕女子堅持認為,穿乜衫係自己嘅自由,唔需要外人指指點點。但白衣大媽則認為,身著和服就係唔尊重中國人,要求女子立刻脫掉。女子嘅行為仲引來幾名圍觀嘅人不滿,最終女生除咗和服並離開現場。

    

期間,大媽一路狂鬧「你他媽的漢奸!」有個男人一起嗌,大媽就同佢一齊話「對不對!是不是漢奸!穿日本和服來中國是不是漢奸!」男人就回應話「對!是!」

    

女子反擊大媽話佢身上嘅背包同褲子都「有問題」,話「上面寫著英文呢,有英文的,妳穿的是美國人的衣服?」大媽就越講越激動,話「老子我們脫。老子連衣服都敢脫!」女生反嗆「我都可以脫,你脫我就脫」,兩人仲賭咗1000元人民幣。

    

為咗令女子脫掉和服,大媽喊話「老子不敢脫老子是妳孫子」,當眾脫咗外褲。之後,女生都當場脫咗和服,只留低黑色保暖內衣。女子仲鬧男人「沒當過兵不要跟我講話」,遭反斥「不要侮辱當兵的」。女生感嘆話「這麼多人看(圍觀),沒人喊警察」,默默話「散了吧,沒戲看了各位」就攬住佢嘅和服走咗。

    

事情發生之後,穿和服嘅女子喺12月26號晚上發佈咗一段影片向大家道歉,話自己好鍾意日本動漫,特別係《犬夜叉》呢部動畫。喺聖誕節當日,佢就著咗自己最鍾意角色嘅衫行街。佢話自己從來冇諗過要侮辱任何人,亦冇唔尊重歷史嘅意思。佢對自己「不顧及他人,傷害民族感情」嘅行為表示歉意,希望廣大網民可以諒解。《I》

發佈時間: 2023年12月29日 14:13
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.