中國網絡遊戲新規引恐慌 八大招招招致命 遊戲股全PK!
中國網絡遊戲新規引恐慌 八大招招招致命 遊戲股全PK!

北京當局計劃限制未成年人玩網路遊戲,騰訊、網易等喺香港上市嘅遊戲股被恐慌性拋售。其中,騰訊股價今早曾升1.4%,消息公布後股價插水,半日跌7.2%,午後市場恐慌加劇,股價一度跌逾15%,低見263.6元,創52周新低。至下午2時46分,騰訊跌幅仍達14.84%,暫報266.2元。其他遊戲股,網易挫逾20%,嗶哩嗶哩跌逾10%。

    

《香港經濟日報》今(22日)報道,國家新聞出版署發布《網絡遊戲管理辦法(草案徵求意見稿)》,入面提到網絡遊戲唔可以設定每日登入、首次儲值、連續儲值等誘導性獎勵。網絡遊戲出版經營單位唔可以用炒作、拍賣等方式提供或者縱容虛擬道具高價交易行為。所有網絡遊戲都要設定用戶儲值限額,並且喺佢哋嘅服務規則中公告 ,對用戶非理性消費行為要彈出式警告提醒。呢次嘅諮詢文件包括咗經營、課金同獎賞機制,仲有數據管理同未成年人規限,唔少條文變相要求遊戲商修改既有生意模式。

    

諮詢文件仲提到,從事網絡遊戲出版活動嘅,要有做網絡遊戲出版業務所需要嘅技術設備,相關伺服器同儲存設備要放喺中國境內。網絡遊戲出版經營單位唔可以實施壟斷同唔公平競爭行為,妨礙市場公平競爭秩序。如果有遊戲出版經營單位違反相關法律規定,就會由反壟斷執法機關依法處理。

    

另外,網絡遊戲出版經營單位喺提供隨機抽取服務嘅時候,要對抽取次數、機率作出合理設置,唔可以誘導網絡遊戲使用者過度消費。同時要提供用戶用虛擬道具兌換、用網絡遊戲幣直接買嘅其他方式,以獲得相同效能嘅虛擬道具同增值服務。

    

意見稿規定,網絡遊戲幣嘅使用範圍只限於兌換本身提供嘅網絡遊戲產品同服務,唔可以用嚟支付、買實體或兌換其他單位嘅產品同服務;唔可以向用戶提供網絡遊戲幣兌換法定貨幣嘅服務,除非係網絡遊戲出版經營單位終止提供網絡遊戲產品同服務嘅時候,就要以法定貨幣方式或者用戶接受嘅其他方式退還用戶未用嘅網絡遊戲幣。

    

網絡遊戲營運單位終止出版或者營運網絡遊戲時,要至少60日公告。要按用戶購買時嘅比例,以法定貨幣退還用戶,或者用用戶接受嘅其他方式進行退換。

    

對於未成年人玩家方面,網絡遊戲出版經營單位要遵守以下規定:

    

1.嚴格控制未成年人使用網絡遊戲嘅時段同時長;

    

2.對容易導致沉迷嘅、有不適合未成年人使用內容嘅遊戲,禁止未成年人登入;

    

3.嚴格執行向未成年人提供付費服務嘅限制性要求,合理限制唔同年齡階段未成年人喺使用服務中嘅消費數額,唔可以向未成年人提供同佢哋民事行為能力唔符嘅付費服務;

    

4.唔可以提供未成年人帳號租售、遊戲幣同虛擬道具交易服務,同埋陪練、代玩等第三方服務;

    

5.唔可以提供未成年人隨機抽取服務;

    

6.網絡遊戲直播唔可以出現未成年人打賞狀況;

    

7.處理未成年人個人資訊要遵守相關法律法規;

    

8.唔可以有其他不利於未成年人健康嘅網絡遊戲經營行為。《I》

發佈時間: 2023年12月22日 14:58
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.