75%巴勒斯坦人支持10月7日對以大屠殺  近90%支持哈馬斯 98%永遠不會原諒以色列
75%巴勒斯坦人支持10月7日對以大屠殺 近90%支持哈馬斯 98%永遠不會原諒以色列

最新民意調查顯示,絕大多數巴勒斯坦人支持主張消滅以色列嘅多個極端恐怖組織,而主張以和平手段處理以巴問題嘅巴勒斯坦權力機構、法塔赫,同埋聯合國、阿聯酋、約旦、埃及、沙特阿拉伯等支持度都唔夠兩成。

    

根據總部位於巴勒斯坦嘅「阿拉伯世界研究與發展組織」(Arab World for Research and Development)喺10月31日至11月7日(以哈戰爭第四週期間)對約旦河西岸同加薩地帶668名巴勒斯坦人進行民意調查

    

調查指,98%嘅受訪者表示,「永遠唔會忘記,都永遠唔會原諒以色列喺呢場戰爭中所做嘅同正在做嘅事」。76%嘅受訪者認為「國際組織同外國政府未能足夠地停止戰爭或提供充分嘅人道主義援助」。65%受訪者指責「國際社會冇採取具體措施來解決衝突」。75%嘅受訪者認為「國際媒體冇準確地描述加沙同西岸嘅情況」。

    

有88%嘅人表示佢哋「比以往任何時候都更加感覺同同胞聯繫緊密」。70%嘅受訪者認為「目前嘅情況會導致未來巴勒斯坦人更加團結一致」。有95%嘅人表示佢哋「渴望一個冇戰爭同衝突嘅生活」。90%受訪者「支持立即停火,並結束持續嘅暴力事件」。喺被問及對衝突嘅潛在解決方案時,55%嘅受訪者支持兩國方案,而35%支持一國方案。

    

關於加沙地帶情況,100%加沙受訪者表示,「佢哋同佢哋嘅家庭喺加沙冇安全嘅地方」。85%表示,「如果被迫離開佢哋嘅居住地,佢哋唔知道去邊度」,48%表示「佢哋嘅屋企被完全或部分摧毀」。

    

不過當問到對巴勒斯坦各組織、外國同國際組織嘅睇法時,調查顯示巴勒斯坦人一面倒支持主張激進手段嘅組織。調查結果顯示,佢哋嘅評估大致分為四類:

    

第一類:評價最正面嘅係哈馬斯旗下嘅軍隊「卡桑旅」(Al Qassam)(89%支持)、伊斯蘭聖戰組織「傑哈德」(Islamic Jihad)(84%支持)、約旦河西岸武裝組織「阿克薩烈士旅」(al-Aqsa Martyrs’ Brigades)(80%支持),同「哈馬斯」(76%支持)。

    

第二類:受訪者對阿拉伯媒體(48%支持)、黎巴嫩真主黨(45%支持)、俄羅斯(40%支持)、國際紅十字會(37%支持)、中國(34%支持)、土耳其(33%支持)、伊朗(32%支持)同法塔赫(23%支持)表現出某種程度嘅正面睇法。

    

第三類:受訪者對埃及(14%支持)、約旦(12%支持)、西方媒體(10%支持)、聯合國(9%支持)、沙特阿拉伯(3%支持)同阿聯酋(2%支持)嘅評估大多係負面嘅。

    

第四類:受訪者對美國(0%支持)同以色列(0%支持)持負面評價。

    

而當問到是否支持哈馬斯10月7日對以色列發動嘅大屠殺時,75%受訪者支持,9.7%反對。喺約旦河西岸,83.1%支持,6.9%反對。喺加沙,呢個比例係63.6%支持,20.9%反對。《I》

    

發佈時間: 2023年12月04日 15:52
關於我們 | 加入我們 | 隱私權聲明 | 免責聲明 | 錯誤回報/意見提供
電郵: hongkongmatters.info@gmail.com

Copyright © 2022 香港元宇宙. All rights reserved.