近年緬甸電話詐騙猖獗，中港台都有人被呃去當地做非法活動。而緬甸北部果敢嘅電騙集團首腦，係當地嘅嘅四大家族之一嘅白所成家族。

近日緬甸局勢劇變，「三兄弟聯盟」攻佔緬北。有消息指，白所成家族成員喺前日（15日）當試搭直升機著草逃亡，畀緬甸叛軍嘅炮彈擊落，直升機爆炸墜毀，白所成嘅仔女同女婿等多人喪生，未知白所成本人係咪直升機上。

據報道，報道指出，白所成已經70多歲，近日除咗參與一啲必要嘅會議、儀式，已經好少有公開露面，由佢大仔白應能打理整個家族。佢嘅二仔白應蒼係「蒼勝詐騙園區」創辦人，早前香港藝人曾志偉仲有拍片同佢賀壽，呢個一陣再講。至於白所成個女白應蘭，係負責管理經營鑫百利公司，聲稱係酒店同旅遊業，但實質涉及賭博、色情同詐騙活動。女婿曹強力係溫州人，被指到緬北搞詐騙，後來娶了白家女兒。

緬甸北部果敢「四大家族」包括白所成家族、魏超仁家族、劉國璽家族同劉阿寶家族。佢哋喺緬甸果敢自治區老街控制所有礦產、賭場同地產業務，亦係當地電信詐騙活動嘅靠山。

白所成係果敢自治區領導人之一，有「果敢王」之稱，最近受到當地少數民族武裝組織，「三兄弟聯盟」之一嘅「民族民主同盟軍」攻擊。白所成曾經係同盟軍前身武裝組織嘅副司令，後來轉投政府軍，被同盟軍視為叛徒。

據報道，同盟軍攻擊白家，白應蒼曾嘲諷同盟軍除咗無人機之外，其他武器都無用。白應蒼仲警告部下，唔可以投降。不過隨著同盟軍勝利，白應蒼曾被圍困喺老街，最後求救白所成幫佢解圍。

據傳，白所成曾經嘗試同同盟軍總司令彭德仁談判，但被拒絕，仲同白所成佢，佢嘅唯一選擇就係返中國自首。

為咗自保，白所成嘅仔女同女婿等人，率先由米線溝搭直升機著草，但起飛無耐就就畀同盟軍嘅炮彈擊中，直升機爆炸墜毀，機上人員全部罹難。

外媒報道指出，「三兄弟聯盟」之一嘅「民族民主同盟軍」成立多年，係果敢游擊隊，果敢族係漢人，佢哋喺中緬邊境嘅緬甸一側已經落戶幾百年。同盟軍一直同歷屆緬甸軍政府對抗，目的係捍衛果敢地區嘅自治權。

「三兄弟聯盟」近期攻擊緬北靠近中國邊境嘅撣邦（Shan State），佔領多個城鎮同軍事據點。美國和平研究所（USIP）學者認為，「三兄弟聯盟」之所以能夠快速攻佔緬北，背後係有中國支持。分析指出，北京當局過去半年對緬甸軍政府感到不滿，唔單止冇同中國達成經濟協議，喺打擊詐騙、人口販賣方面又冇進展，因此中國默許「三兄弟聯盟」嘅行動。

另外，法國《世界報》報道指，由於新冠大流行期間電騙激增，主要受害者係中國人，加上電騙犯罪沿住東南亞嘅「一帶一路」蔓延，有損習近平嘅旗艦項目形象。所以根除電騙犯罪，成為當局嘅首要任務。

另外，近期內地公安部刑偵局發布懸賞通告，通緝4名緬甸果敢涉電騙犯罪集團重要頭目，每一頭目懸賞10萬至50萬元，包括明學昌、明國平、明菊蘭同明真真，指佢哋涉及故意殺人、故意傷害同非法拘禁等重罪。據悉明家雖然唔係「四大家族」之一，但都勢力強大。69歲嘅明學昌係明家話事人，曾出任緬甸撣邦議會議員及果敢自治區領導委員會委員。據道指明學昌已證實喺緬北自殺身亡，而剩低3人已被緬甸警方拘捕，喺雲南邊境移交中方。

另外值得一提嘅係，直升機爆炸嘅死者白應蒼，早前曾經舉行過30歲生日party，宴會畫面近日仲喺內地流傳。網上影片顯示，佢邀請咗唔少中港明星網紅拍片同佢賀壽。

生日宴會上，舞台上嘅大螢幕播放影片，見到曾志偉、黃一飛嗌住白應蒼個名，祝佢「生日快樂，鵬程萬里」。早前曾志偉同黃一飛嘅經紀人向內媒回應事件，其中一個唔肯定嗰位藝人有冇拍過影片。而另一個就承認，但就指條片係好多年前拍嘅，當時唔知拍片對象係邊個，亦唔認識白應蒼，亦唔記搵佢拍片嘅係邊個咁話。

經紀人又解釋話好多人會搵藝人拍片，藝人可能會礙於情面而而拍，但唔會核實祝福者嘅身份，所以唔知道究竟祝福緊邊個，仲話祝福並唔代表支持佢咁話。