隨著馬杜羅政權倒台，原本駛往委內瑞拉運油抵債嘅兩艘中國超級油輪，係苦等數週後最終無功而還，掉頭返航。呢一幕，亦正式標誌住中美喺南美洲嘅能源博弈，進入咗一個全新且更為兇險嘅階段。

根據倫敦證券交易所集團 (LSEG) 公佈嘅最新航運數據，兩艘掛住中國國旗嘅超級油輪，「興業號」同「千陽號」，原本計劃前往委內瑞拉裝載原油，以償還該國對中國嘅巨額債務。然而，係大西洋海域徘徊觀望咗幾個禮拜之後，呢兩艘巨無霸最終收到指令，掉頭駛回亞洲。

消息指，呢兩艘油輪係專門負責「石油抵債」航線嘅常客。自2019年美國對委內瑞拉實施能源制裁以來，中國一直透過類似嘅方式，低調接收委內瑞拉嘅原油，用嚟抵銷高達數百億美元嘅借貸。但今次「急煞掣」，明顯係受到華盛頓方面嘅極限施壓。

要理解點解油輪要走，就要睇返1月3日發生嘅震撼一幕。美軍發動代號「絕對決心」(Operation Absolute Resolve) 嘅突襲行動，直接係加拉加斯將委內瑞拉總統馬杜羅及其夫人 Cilia Flores 拘捕，並火速押送至紐約受審，控以「毒品恐怖主義」等罪名。

隨著馬杜羅倒台，美國總統特朗普 隨即展現其「美國優先」嘅強硬作風。佢唔單止宣佈美國將會「接管」委內瑞拉嘅石油銷售，仲揚言要用呢筆錢嚟「造福委內瑞拉及美國人民」。

國務卿魯比奧亦隨即補刀，強調係過渡期間，美國會維持對委內瑞拉石油運輸嘅嚴格封鎖。換言之，邊個敢係呢個時候運走委內瑞拉嘅油，就係同美國作對。面對美軍係加勒比海嘅強大部署，加上局勢極不明朗，北京方面顯然選擇咗暫時避其鋒芒，召回油輪以保全資產。

令北京更為頭痛嘅，係特朗普隨後公佈嘅一項決定。白宮宣佈，將會把原本被封鎖、價值約20億美元（約5000萬桶）嘅委內瑞拉庫存原油，「移交」比美國處理。特朗普係-Truth Social 上面講得好直白：「呢批石油會以市場價出售，筆錢會由我——美國總統親自監管！」

呢個消息對中國黎講簡直係「雙重打擊」。首先，中國係委內瑞拉最大債權國，多年來靠運油嚟收數；依家美國「半路殺出」，直接將呢批油充公或者轉賣，中國手頭上嘅債務隨時變成爛賬。雖然中國外交部強烈譴責美方行為係「赤裸裸嘅搶掠」，嚴重侵犯委內瑞拉主權，但係係美軍實際控制下，外交抗議顯得蒼白無力。

市場分析指出，雖然委內瑞拉擁有全球最大嘅石油儲量，但多年嘅制裁加上管理不善，產量早已大不如前。不過，隨著特朗普揚言要引入西方石油巨頭（如 Chevron、ExxonMobil）進場「修復」委內瑞拉油田，市場預期未來供應量可能會大幅回升。

然而，短期內嘅供應鏈斷裂已經成爲事實。中國買家過去一個月已經再無收到來自委內瑞拉嘅石油，據報有部分買家因為擔心被美國二級制裁波及，已經開始拒絕報價。雖然委內瑞拉石油只佔中國進口總量約4%，但係係全球能源供應緊張嘅大背景下，失去呢個廉價油源，對中國煉油企業嚟講始終係一個打擊。

目前，德國總理默茨以及法國總統馬克龍等歐洲領袖，對於美國這種「長臂管轄」及直接軍事介入嘅做法反應審慎，擔憂會引發更大嘅地緣政治反彈。