四中全會完咗之後，《人民日報》喺10月30日、31日連續刊登中國國務院總理李強同志、全國政協主席王滬寧同志嘅署名文章，今日又登埋中央政治局常委蔡奇同志篇文，呢三篇文都係「學習貫徹黨嘅二十屆四中全會精神」系列文章。

蔡奇同志篇文題目係「持之以恆推進全面從嚴治黨」。呢篇長文講，經過咗十幾年咁唔懈嘅努力，全面從嚴治黨係取得咗顯著嘅成效，積累咗豐富經驗。同時都要清醒啲睇到，有啲黨員幹部對黨嘅自我革命仲抱住錯誤嘅諗法，有啲鬆懈偷懶、怕艱難退縮、消極應對，甚至刻意抵觸等等嘅情緒。

蔡奇同志寫到，有啲黨員幹部明哲保身，唔肯擔當作為；「四風」問題就好似樹倒根存、土壤仲喺度，不正之風同腐敗現象舊嘅未清、新嘅仍然容易發生；有啲地方同單位管治黨嘅責任都未做到位。

蔡奇同志強調，「十五五」時期經濟社會發展個任務好艱鉅、形勢又嚴峻複雜，對全面從嚴治黨呢場「黨嘅偉大自我革命」提出咗新嘅、更高嘅要求。

蔡奇同志話，要堅決打贏反腐敗鬥爭場攻堅戰、持久戰、總體戰。要堅持將「不敢腐、不能腐、不想腐」一齊推動。要始終保持反腐敗高壓態勢，一發現腐敗案件就查處，從嚴處理政治問題同經濟問題交織嘅腐敗，重點整頓權力集中、資金密集、資源富集領域嘅腐敗，仲要嚴肅查處領導幹部配偶、子女及其配偶呢啲親屬同身邊工作人員利用影響力謀私貪腐問題。

蔡奇同志最後話，要重視發揮群眾監督、輿論監督嘅「前哨」作用，推動各類監督貫通協調，等特權現象同腐敗問題無所遁形。

香港新聞連線一早講咗好多次，缺乏獨立嘅監督同權力制衡機制、公開透明嘅資訊傳播同言論自由環境，只靠「球員兼球證」做內部反腐，連「標」都治唔好遑論治「本」？只要一日仲係一黨專政體制，反貪腐呢場仗就永遠打唔完。或者其實「反腐」從來都只係用嚟清洗政敵嘅工具，貪腐對共產黨體制嚟講，根本就係必要嘅存在？