內地男星許凱主演嘅新劇《子夜歸》近日正式開播，但甫播出即引發震撼娛樂圈嘅爭議。女星許荔莎日前突然於網上爆料，話自己早於2022年同許凱交往期間，因為佢被拍到與同門師妹趙晴開房，而同許凱分手收場。更爆炸嘅係，許荔莎指當時許凱仲同佢朋友解釋：「和那個女生只有打過幾次炮，沒有拍拖」。

對此，許凱同趙晴嘅老闆、內地著名製作人于正相當憤怒，直接開直播大鬧許荔莎，指佢完全造謠，仲斥責許荔莎曾經騷擾許凱，本質就係一個「私生飯」，而佢曬出嘅親密私照，亦係盜用許凱微信朋友圈嘅圖片，已經交由警方處理。

但許荔莎唔單止唔驚于正嘅警告，更進一步曬出影片證據，仲表示自己現正整理一條完整嘅時間線，並直接喊話于正：「于正老師，總不能因為我談戀愛被綠被罵還要報警抓我吧？于正老師，我本來想當你的夢女的，你怎麼會想抓我。我太寒心了」呢番言論再掀起網上熱烈討論，事件發展備受關注。