朗普正式下令，展開對隱瞞前總統拜登執政期間認知能力衰退嘅調查。重點包括拜登幕僚有冇用到「自動簽名機」(autopen) 替代拜登親筆簽署大量政策文件，以隱瞞拜登實際健康狀況。呢項調查係特朗普，對拜登執政時期認知能力提出質疑嘅最新行動。

特朗普總統發出嘅總統備忘錄直指，拜登幕僚涉嫌濫用總統簽名權力，利用自動簽名機簽署逾1,200份文件，包括235名聯邦法官嘅任命同37名死囚嘅赦免決定，試圖掩飾拜登晚年健康明顯衰退嘅狀態。備忘錄形容事件為「美國史上最危險嘅醜聞之一」，強調公眾有權利知道真正執行總統職責嘅人係邊個。

白宮隨後宣布，調查將聚焦兩個核心問題。首先，查明有冇人故意隱瞞拜登嘅認知能力問題，甚至可能暗中接手總統權力；其次，審視拜登任期內透過自動簽名機簽署嘅行政命令嘅法律正當性，包括佢哋真正嘅簽署者係邊個。

特朗普喺備忘錄中更指控，拜登長年精神問題遠比外界認知嘅嚴重，甚至在媒體露面同新聞發佈會都必須事先擬定台詞，幕僚不斷設法遮掩。儘管如此，拜登任期內仍然發布超過1,200份總統文件，任命數百名聯邦法官，並簽署咗美國歷來最多嘅赦免令同減刑決定。更令人關注嘅係，2024年，拜登一次過對40名聯邦死囚中嘅37人實施減刑，包括多名連環殺人犯同殺害兒童嘅兇手，引發輿論嘅極大爭議。

自動簽名機嘅使用並非新鮮事，奧巴馬時期曾用於簽署法案，2005年美國司法部法律顧問辦公室備忘錄，亦認可總統可授權使用。然而，特朗普認為，拜登嘅情況可能涉及違憲行使權力，自動簽名機的使用可能不是出於他的個人意志。佢直言：「總統嘅法律顧問應該同司法部長同其他相關部門首長傾一傾，查下有冇人一齊串謀，呃大眾話拜登精神狀況無事，仲要違憲咁行使總統職權同責任。」據悉，自動簽名機可重現特定簽名樣式，製造出幾可亂真嘅簽字效果，但合法性同決策真實性引起咗廣泛爭議。

拜登方面則強烈否認所有指控，強調「所有決定都係我親自作出，包括赦免、行政命令同立法」，斥責質疑為「荒謬同虛假」。

關於拜登精神狀態嘅質疑同對自動簽名機合法性嘅爭議，已令美國政治氛圍進一步緊張。如果調查最終無法提出確鑿證據，可能影響到特朗普自己嘅公信力，為共和黨帶來風險。