香格里拉對話（IISS Shangri-La Dialogue）在31於新加坡舉行。法國總統馬克龍，成為該論壇自2002年創辦以來，首位喺開幕式發言嘅歐洲國家元首。佢喺演說中，將俄羅斯侵略烏克蘭同台灣問題相提並論，警告如果國際社會無法制止俄羅斯，可能會為亞洲，特別係台灣，做成一個危險嘅先例。呢個講法被認為係暗指美國喺烏克蘭同台灣議題上嘅雙重標準，同時引發中國駐新加坡大使館嘅強烈不滿。

馬克龍喺演說中強調，維護領土完整同主權係全球共同堅守嘅信念，唔應該採取雙重標準。佢指出：「如果我哋認為可以容許俄羅斯攞左烏克蘭嘅部分領土，唔受任何限制、任何約束或受到任何全球秩序嘅反對，台灣會發生咩事？」佢將俄烏戰爭同台灣局勢同一比較，希望提醒47個國家嘅部長同軍事領袖，國際法嘅違反喺任何地區都會影響全球秩序。

法國國際關係研究所（IFRI）亞洲研究中心主任朱利安（Marc Julienne）分析：「馬克龍試圖用烏克蘭同台灣嚟做比較，想突顯兩地危機嘅相似性，叫亞洲國家快啲醒，武力擴張領土，不論喺歐洲、巴勒斯坦定亞洲，全部都係踩過國際法底線。」佢進一步指出，馬克龍嘅講法有啲暗示美國喺台灣問題上好強硬，但對烏克蘭就收埋手，搞到成件事好似雙重標準咁。佢呼籲國際社會要齊心對抗武力侵略，唔好畀呢啲雙重標準拆散咗大家嘅團結。

馬克龍仲提到，如果中國唔想北約介入東南亞事務，就應該阻止朝鮮參與烏克蘭戰爭。呢番言論係暗指朝鮮向俄羅斯提供軍事支援。馬克龍嘅講法同佢早前喺社交媒體嘅表態一致，佢曾經話，喺對抗俄羅斯總統普京嘅同時，「唔可以忘記背後仲有中國」。呢啲講法反映法國試圖喺全球安全議題上扮演更積極嘅角色，平衡歐亞利益。

中國駐新加坡大使館透過網路平台發文，批評將台灣問題同烏克蘭問題相提並論係「唔可接受」，強調台灣問題係中國內政，同烏克蘭問題「性質完全唔同，完全無可比性」。雖然未直接點名馬克龍，但貼文附上演講相片，清楚指向佢嘅言論。大使館進一步指責，呢類比較係「對中國內政嘅粗暴干涉」同先係「雙重標準」嘅表現。

美國國防部長赫格斯（Pete Hegseth）喺同一論壇上警告，中國對台灣嘅任何軍事行動，都會對印太地區造成「毀滅性後果」，似乎中左馬克龍嘅比較。佢進一步指責中國「每日都喺為入侵台灣進行訓練」，又話北京正準備喺亞太地區使用武力。中國外交部就話，指呢啲指控「毫無根據」。