隨著2025年總統大選臨近，韓國社會嘅撕裂情況越嚟越明顯。​根據韓國保健社會研究院嘅調查，民眾對社會對立嘅認知達到自2018年以來嘅最高水平，政治陣營之間嘅對立更為突出，得分高達3.52分，滿分為4分。​呢種對立唔止出現係政策立場上，更深入到民眾嘅日常生活同價值觀念入面，形成難以跨越嘅對立。​

韓國政治嘅兩極化現象日益嚴重，保守派同進步派之間嘅對立，嚴重影響政府運作。​總統尹錫悅去年底無預警發布緊急戒嚴，進一步加劇咗政治對立。​尹錫悅聲稱發布戒嚴係為咗警告民眾當前嘅國家危機，並指控「巨大在野」多次提出彈劾案、刪減預算等方式，令政策無法施行，威脅韓國國安。​在野黨共同民主黨則指控尹錫悅單方面發布戒嚴涉及內亂罪，表決通過彈劾總統 。​

一方面現在嘅社交媒體平台，透過演算法推送用戶偏好嘅內容，形成資訊同溫層，強化咗用戶原有嘅政治立場。 社群中，陰謀論、洗腦式迷因同斷章取義嘅新聞片段喺缺乏事實查核嘅情況下被廣泛傳播。​另一方面年長者傾向於通過傳統媒體獲取資訊，並支持保守派；而年輕人則主要依賴網上媒體，對進步派更為支持​。呢種媒體資訊嘅差異，加深咗唔同年齡層之間嘅認知分歧，進一步加劇咗社會嘅撕裂。​

高房價、就業困難同社會流動性下降，令年輕世代對未來感到悲觀，對政府嘅期待有所失望，進一步激化咗對現狀嘅不滿。​呢種經濟焦慮感，成為社會分裂嘅重要推手。​

對北韓嘅政策立場，亦成為左韓國國民政治對立嘅另一焦點。​保守派主張對北韓採取強硬立場，強調國家安全；而進步派則傾向於推行「陽光政策」，尋求與北韓嘅對話與和解。

韓國社會嘅分裂，已深入到政治、經濟、文化等各個層面，短期內難以緩解。​除非進行深層次嘅結構同文化改革，否則對抗性嘅政治只會持續甚至加劇。​目前嘅政治生態激勵機制錯誤，政客們為咗選票，往往只取悅親自己黨派的選民，而唔係建立面向全民嘅實施政方針。​呢個情況令到韓國嘅政局充滿不確定性。​