美國教育部近日對加州大學柏克萊分校展開調查，原因係該校涉嫌未能充分披露來自外國來源嘅資金。此舉引發外界關注，特別係涉及該校過去同中國清華大學合作成立嘅清華-柏克萊深圳學院。

美國教育部長麥克馬洪（Linda McMahon）喺聲明中表示，調查將根據美國《高等教育法》第117條，規定高校必須申報價值25萬美元或以上嘅外國禮物或合同嘅規例，審查加州大學柏克萊分校是否全面及準確披露外國資金嘅來源及用途。

教育部指出，2023年有媒體報導指該校未有申報來自外國嘅數億美元資金，特別係與清華-柏克萊深圳學院相關嘅款項。據報導，該學院於2014年由深圳市人民政府、清華大學及加州大學柏克萊分校共同創辦，專注於新興產業嘅科研及產學研合作，師資由三方組成，包括全球招聘嘅專家及業界導師。

加州大學柏克萊分校否認相關指控，強調過去兩年已積極配合聯邦當局嘅調查。該校發言人表示，2023年部分媒體報導存在錯誤，特別係有關該校同清華-柏克萊深圳學院合作嘅資金來源及用途嘅描述。校方承認，喺2023年曾經冇申報到部分外國資金，但強調呢啲資金只係涉及公開透明嘅學術研究，而且研究成果都喺全球範圍內分享。校方亦確認，已於2023年終止與清華-柏克萊深圳學院嘅合作關係，並於2025年4月25日重申目前與該學院無任何聯繫。

今次調查嘅其中一個焦點，係2023年5月美國新聞網站《每日野獸》（The Daily Beast）報導，指加州大學柏克萊分校未有申報來自中國政府嘅2.2億美元資金，而係用係清華-柏克萊深圳學院嘅建設上面。雖然報導未有提供具體證據，但已經引起左美國國會同公眾嘅關注。2023年，美國眾議院一個特別委員會嘅報告進一步指出，美國大學同中國機構喺高科技領域嘅合作，可能間接支持中國嘅技術及軍事發展。不過，加州大學柏克萊分校堅稱，其研究項目均以學術為本，無意涉及其他目的。

呢件事似乎同中美國當前嘅政治角力有密切嘅關係。特朗普喺幾日前簽署行政命令，要求教育部加強執行《高等教育法》第117條，並確保高校透明披露外國資金嘅詳情。呢項命令被視為特朗普政府對部分美國高校進一步監管行動嘅一部分。近期，教育部亦對哈佛大學展開類似調查，要求其提交過去十年嘅外國資金記錄。此類行動引發學界及公眾對學術自由嘅討論，部分人士擔心過度監管可能影響高校嘅國際合作同創新能力。

加州大學柏克萊分校喺回應中強調，佢地嘅國際合作項目，全部都係以促進學術交流同埋全球知識共享為目標。該校就表示，將繼續配合美國教育部嘅調查，並努力符合所有聯邦法律嘅要求。同時，校方亦指出，為咗回應外界對喝件事嘅質疑，並確保以後嘅研究活動符合美國嘅法律同政策框架已經終止同清華-柏克萊深圳學院嘅合作。